Riba diamars 18 di april e barku di Marina, Zr.Ms. Holland, ku na e momentunan aki ta nabega pa Wardacosta Caribe Hulandes, a detecta un go-fast. E dos botonan di interceptacion rapido ku na bordo e tim di Eskuadron Hulandes (Fleet Marine) di Zr.Ms. Holland a keda lansa pa stop e boto sospechoso. Una bes ku nan a yega serka banda di e boto a duna nan señal pa stop y e sospechosonan a entrega nan mes.
E sospechosonan a benta un parti di e contrabanda den lama. E paketenan aki despues a keda saka for di den lama pa un di e botonan di interceptacion rapido. E peso completo di e paketenan a yega na mas o menos 850 kilo di cocaina. Zr.Ms. Holland a entrega e tres sospechosonan y e droga na Wardacosta cual a entrega e personanan y droga na Cuerpo Polisial di Aruba. Entretantu e droga a keda destrui.
