E barku di stashon Zr.Ms. Holland a kuminsáa riba djaluna 2 di sèptèmber ku su patruyahe riba laman Karibe. Kuater dia despues, djabièrne 6 di sèptèmber den oranan di mainta, tabata direktamente bingo. E barku e mainta ei a risibi un notifikashon ku e avion di patruyahe Dash 8 di Wardakosta Region Karibe a lokalisá un go-fast sospechoso den besindario di islanan ABC. Despues di esaki Zr.Ms Holland a dreta den akshon i a lansa su botonan di intersepshonan rápido, e asina yama FRISC nan, ku riba kual tabatin ekiponan kombiná di tripulashon di barku, Wardakosta Merikano i e Eskuadron di Flota di Marina. Tambe e helikòpter di bordo, e NH90, a duna sosten desde laira durante e operashon anti droga. E sospechosonan riba e boto di droga mas ku un biaha a neglishá e orden pa para. E go-fast a stòp numa despues ku a tira dirigí riba e motornan di e boto
Kokaina i marihuana
Na bordo di e boto di kontrabanda tabatin 9 pasahero, un total di 52 pakete a keda konfiská. Den esakinan tabatin 210 kilo di kokaina i 2110 kilo di marihuana. E sospechosonan di e doroganan a keda entregá na Wardakosta Merikano. Un sospechoso tabata heridá i pa e motibu ei a keda trasladá pa Kòrsou den e helikòpter NH90, pa risibí trato mèdiko.
Barku di Stashon
E barku di Stashon Zr.Ms. Holland entre otro ta keda desplegá pa operashonnan anti droga. Pa esei e tripulashon ta traha interkambiando huntu ku Wardakosta Merikano i Wardakosta di Region Karibe Hulandes.
