Zorg en Jeugd Caribisch Nederland (ZJCN) ta busca activamente persona cu un curason grandi pa apoya mucha cu un red social chikito di su mes cu necesidad practico, logistico y di acogida temporal y pa periodo duradero.
Zorg en Jeugd Caribisch Nederland lo ta activo den diferente bario na Boneiro y tambe diferente supermercado pa asina duna e informacion pa asina por solicita pa bira mayor di criansa. Full e luna di september lo dedica na e parti aki pa asina Boneiro completo por sa di e necesidad cu tin y pa aporta pa por bira un mama di criansa pa muchanan cu tin mester na Boneiro.
Tin diferente manera cu por aporta na e sistema aki, tin personanan por duna un man den weekend, pero tin famianan cu por duna un man den siman tambe. Tin por duna tur weekend of tin por duna cada pasa un weekend, esaki ta caminda cu mester yega na palabracionnan concreto pa asina e muchanan por haya un mayor adoptivo cu por yuda y yiu e muchanan cu ta den Zorg en Jeugd Caribisch Nederland.
Tambe por ta posibel cu por tuma e muchanan den un periodo largo y kisas lo e por bira e yiu di e criansa den futuro tambe. Na final e muchanan cu ta den Zorg en Jeugd Caribisch Nederland ta muchanan cu ta un temporal na e cas di cuido te na momento cu e mayornan nan situacion por drecha y cu e yiu por bay cas bek.
