Presidente di Ukrania a dirigi directamente na mas cu mil Parlamentario italiano cu a reuni den sala di diputadonan cu hunto nan a ricibi para riba nan pia y cu un aplauso grandi president di Ukrania.
Den e reunion aki presidente di Ukrania Volodimir Zelenski a bisa claramente y a adverti riba e consecuancianan pa full mundo di e Guerra cu Rusia a cuminsa. E presidente ta sigura cu e invacion di su Pais ta e porta pa Vladimir Putin por drenta Europa, Asina presidente di Ukrania a duna di conoce den parlamento italiano, segun e portada di noticia eldiario.com
Den e ronde di reunionnan di Parlamentario nan di Union Europeo,Merca, Alemania y Isreal cu e presidente di Ukrania a presencia e la duna di conoce directamente y claramente na e mas cu mil parlamentarionan di Italia cu a reuni den sala di e diputadonan dia 22 di maart 2022 cu e intencion di Putin no ta solamente pa drenta su Pais, pero e meta ta pa drenta Europa.
Presidente di Ukrania Volodimir Zelenski sinta na su conocido lesenaar a duna un discurso di 12 minuut unda cu Zelenski a duna consiencia na loke ta pasando y kico ta e meta realmente di Putin. Tambe e presidente a pidi cada Parlamentario pa nan imagina un cuidad mane Genova kibra completamente pa Rusia. Banda di tur cos e advertencia ta cu e meta di Putin no ta Ukrania pero Europa unda e lo kier tin e control politico di e balornan di democracia di derechonan humano. Segun e presidente a vocifera Ukrania ta solamente e porta di entrada di e meta di Rusia pa por drenta Europa.
“ E invacion tin 27 dia andando cu ta casi un luna y nos mester otro sanacionnan y otro precion pa Rusia no por yena su mes cu reserva militarnan na Libia of Siria pa asina PAZ por bini bek, Asina Presidente di Ukrania Zelenski a duna di conoce”
