Recientemente Fundacion Lead by Design den colaboracion cu CEDE Aruba tabata
tin na Youth program pa hobennan di Dakota. Esaki a tuma luga na Centro di Bario Dakota
eherciendo practicanan pa ekipa hobennan riba temanan specifico manera Hiking & Sports,
Money Psychology, Budgeting, Understanding your Personality, Emotional Wellbeing,
Discovering Your Potential y Success Planning.
Programa a tuma luga dia 22 juli pa dia 2 augustus ultimo y a conta cu partcipacion di 14
hoben.
Durante sesion di Hiking & Sports hobennan a pasa den un experiencia pa pone ‘team building’
na practica. Henter e experencia ta diseña pa yuda hobennan comunica ku otro y desaroya
confiansa. Soluciona problema tambe ta nesesario pa supera e retonan chikito of grandi cu ta
presenta nan mes na caminda.
Den tayer di Money Psychology, hobennan a siña detecta nan propio emocionnan ora ta
regarda tuma desicionnan sano pa cu e maneho di nan finansas. Como tambe pa e parti di
budgetting, con pa nan prepuesta nan finansas y keda denter di nan presupuesto pa por logra
nan metanan.
Di part di Facilitado, Franklin Seute nan tur a haya un buki di Budgeting regalo pa yuda nan
maneha nan finansas como studiante.
Understanding your Personalities, un tayer hopi efectivo cu ta yuda hobennan conoce na
personalidad, reconoce personalidad di otronan y mehora nan relacion cu otronan ta un tayer
clave ora ta trata nos identidad. Den combinacion cu Emotional Wellbeing y Discovering Your
Potential por identifica unda cada ken ta den lo actual, su desaroyo y con nos tin pa traha riba
esaki, una bes identifica pa alcansa e miho version di nos mes pa por alcansa nos metanan y
ultimadamente, opera den nos propostito mayor.
Y ora ta trata na planifica pa esaki e logro aki, hobennan tambe a pasa door di e tayer di
Success Planning.
Planificacion ta un componente clabe pa logra exito! Sea nos ta trahando riba un meta personal
of profesional. E ta encera fiha metanan, identifica posibel obstaculo y crea un plan di accion pa
yega na bo resultado desea.
Danki tambe CEDE Aruba y e Centro di Barionan, na patronisadonan Aruba Bank, Elite
Productions, Setar NV kendenan ta haci e Youth program posibel pa asina hobennan – nos
futuro lidernan mes, por a participa y ricibi e tipo di contenido aki 100% gratis.
E Youth program ta pa hobennan entre edad di 16 pa 18 aña di edad. Pa haya sa mas tocante
Programa di LEAD BY DESIGN, por tuma contacto cu e fundacion via +297 733 0377.
