E fiscal di Merca na Florida a acusa Evan Daniel Tromp di 37 aña di edad di fraude di cable entre 2017 y 2022. Evan, un nativo di Curaçao, ta yiu di e ex presidente di Banco Central di Curaçao y Sint Maarten y tabata un ’empleado fantasma’ na Ennia Investments and Holding for di 2010 te cu 2017. E ta tambe director di Quanta Capital B.V. i tin otro envolushon cu diferente negoshi.
Evan ta ser acusa di a opera un skema di Ponzi via su diferente compania: Quanta Capital B.V., Operational and Financial Advisory, LLC, i Quanta Nominee, LLC. El a priminti inversionistanan rendimento halto dor di inverti nan placa den mineria di criptomoneda i negoshi ku practicamente ningun riesgo.
Evan a uza placa di inversionistanan nobo pa paga inversionistanan existente i pa gastonan personal. E tabatin completamente control riba e cuentanan di banco di e companianan aki i a haci uzo fraudulento i falso di fondonan di e inversionistanan. Tambe a detecta varios transaccion internacional pa su cuentanan di banco como parti di su actividadnan fraudulento.
Ora e ser condena na Florida, Evan lo mester entrega tur propiedad cu el a haña for di e ganashi di e fraude aki na gobierno di Merca.
E acusacion ta duna un lista detaya di promesanan y declaracionnan falso cu Evan a haci na inversionistanan, como tambe varios caso specifico di transaccionnan electronico uza pa facilita e schema di Ponzi..curacaochronicle.com
