Apelacion na esun cu a tira pa entrega su mes
Diadomingo den careda di 4’or unidadnan policial y tambe ambulance a sali direccion casnan di pueblo di Sero Patrishi pa un caso di tiramento.
Na yegada di polis ya e persona herida cu ta un hoben a wordo hiba den un Toyota Yaris pa Hospitaal.
Cu velocidad halto nan a yega Hospitaal unda cu polisnan tambe a yega pa haya mas dato posibel.
E hoben cu lo ta yiu di un agente policial lo a wordo tira den area abdominal, serio y cu cua caliber e la wordo tira no ta conoci ainda.
Unda e incidente a tuma luga a wordo cera cu lint geel, indicando un area di crimen cu lo bay wordo investiga. Na e sitio a menciona ken a tira.
Recherche, departamento tecnico y demas autoridadnan tur a wordo pidi na e sitio.
Na Hospitaal polis a cera e entrada y no tabata laga ni famia/amistad nan drenta, bisando nan cu nan no por haci nada toch pa e hoben y lage den man di dokter y pa bandona e sitio.
Speculacionnan bayendo rond ta papia cu e tiramento aki lo por tin te maken cu e caso di hincamento ayera nochi na Joe Laveist, pero cu ta berdad investigacion lo determina esaki.
Un apelacion ta bay na e persona cu e tira e hoben aki pa enrega su mes na warda mesora, polis tin indicacion ta ken y a saca tur unidad pa e buskeda. Na mes momento carnaval ta andando.
