Despues di 25 di novèmber 2022 no tin kapasidat pa pasa grupo grandi angua
E departamento di Salubridat Públiko ta hasi un yamada urgente na siudadanonan pa pasa e angua ku bo ta bolbe pasa promé ku 27 di novèmber 2022. Despues di 26 di novèmber 2022 no ta posibel pa manera awor pasa grupo grandi pareu e angua ku bo ta bolbe pasa. Salubridat Públiko no tin e kapasidat pa esei. For di 27 di novèmber 2022, siudadanonan por pasa e angua ku bo ta bolbe pasa solamente ku sita. Asina dòkter Michael Mercuur, hefe di e departamento di Salubridat Públiko a duna di konosé.
E simannan ku ta bini, Salubridat Públiko ta bai ofresé siudadanonan e posibilidat pa pasa e angua ku bo ta bolbe pasa na mas lugá. Asina tin un seshon di pasa angua planiá pa djabièrnè 11 di novèmber 2022 na El Mundo. E idea ta pa e simannan ku ta bini tene evento di pasa angua na mas lugá. Ta keda posibel pa pasa e angua ku bo ta bolbe pasa na SGB na Playa, Klup Chines i na Rincon.
Te ku awor no tin hopi hende ku a pasa e angua ku bo ta bolbe pasa. ,,Nos a kuminsá 15 di òktober di e aña akí pa ofresé e angua ku bo ta bolbe pasa. Nos a hasi esaki pasobra nos ta tene kuenta ku un ola di corona na fin di aña ora hopi hende ta bishitá Boneiru. Lamentablemente solamente 814 siudadano a pasa e angua di corona, esaki ta 5% di e hendenan ku ta bin na remarke pa e angua, ” asina dòkter Mercuur a deklará.
,,Mi ta preokupá pa e kantidat chikitu di hende ku a pasa e angua ku bo ta bolbe pasa. Si na Boneiru poko hende pasa e angua ku bo ta bolbe pasa, nos no ta bon prepará pa e momentu ku kontagio oumentá. Nos sa di pasado ku hopi kontagio ta pone kuido fuertemente bou di preshon. I nos a mira tambe ku e ora ei ta tuma medida.”
E dòkter ta hasi un yamada na siudadanonan ku promé ku Pasku ta bai afó, pa pasa e angua ku bo ta bolbe pasa na tempu. Esaki pa prevení tempu di espera. ,,Mi ta hasi un yamada tambe na siudadanonan ku na desèmber ta keda Boneiru pa pasa e angua ku bo ta bolbe pasa awor. Nos mester ta promé ku e ola di corona i nos mester protehá tambe nos grandinan i otro hende vulnerabel. Ku e angua ku bo ta bolbe pasa bo ta kore ménos riesgo pa kontagio ku COVID 19, i bo ta kore ménos riesgo pa long COVID.”
Pa mas informashon tokante e angua ku bo ta bolbe pasa i sentronan di pasa angua, mira riba www.bonairegov.com òf yama e number grátis 0800 0800.
