Resientemente Banko Sentral di Kòrsou i St. Maarten a indiká ku e sektor di
konstrukshon ta un di e sektornan, banda di turismo, ku mas ta yuda move
ekonomia di Kòrsou. E kresementu aki mester ta unu di inklusividat, kaminda ku e
yu di Kòrsou tambe ta benefisiá di desaroyonan positívo den e sektor di
kontrukshon.
Kresementu di ekonomia no ta nifíka outomatikamente prosperidat di e pueblo.E
kresementu aki ta unu di eksklushon enbes di inklushon pa motibu ku e kresementu
aki no ta mara na un vishon sosial ekonomiko pa por aportá na krea kupo di trabou i
prosperidat di e pueblo.
Ta un realidat ku aktualmente mayoria kupo di trabou den konstrukshon ta okupá pa
estranheronan i no pa yunan di tera. Despues di hiba kòmbersashon ku
kontratistanan, nan ta indiká di ta obligá pa hasi petishon pa trese trahadó for di
eksterior pasombra no tin sufisiente yu di Kòrsou ku e kapasitashon nesesario pa
traha den sektor di konstrukshon. Esaki ta trese kuné ku e yu di Kòrsou i su famia no
ta benefisiá di e kresementu den e sektor aki i no ta wordu stimulá pa tambe
benefisia di esaki i di e manera aki ta wòrdu tene afó.
E motibu di esaki ta ku gobièrnu no ta envolví pueblo dor di invertí den e yu di
Kòrsou ku tin talento pero dor di falta di kapasitashon sin importá edat pa por
benefisia di e sektor dor ku no tin un plan sosial-ekonómiko i vishon pa krea kupo di
trabou. Ta importante ku Gobièrnu i huntu ku sektor privá ta krea programanan unda
ta kombiná teoria i práktika pa asina hendenan lokal por ta ‘kla pa konstrukshon’ i
tambe benefisiá di e kresementu aki di un manera rápido.
Di mesun manera ku den e gobièrnu anterior ku e programa “ Kla pa Turismo” a hasi
den sektor di turismo ku aktualmente a keda kontinua kune bou di e gobièrnu aktual.
Pesei nos ta proponé un plan pa kapasitá i forma e yu di Kòrsou na promé luga
huntu ku sektor di konstrukshon pa ta “ Kla pa konstrukshon “.
E programa mester krea un aliansa entre Ministerionan di SAOW, MEO i VVRP
huntu ku asosashon di kontratistanan i kontratistanan.
Di e manera aki ta hasi un yamado na nos profeshonalnan den konstrukshon i
penshonadonan ku ken aportá na e plan di inklushon di kresementu , desaroyo i
prodperidat di nos hendenan .
E meta mester ta ku den un tempu relativamente kòrtiku ta siña yunan di tera e
diferente áreanan di trabou manera pega blòki , mèslá , karpinté ets den práktika
(“hands on”), meskos ku ta hasi den sektor di turismo.
E personanan ku ta asistí na e programanan aki ta atkerí sufisiente konosementu i
abilidat pa traha den e sektor di konstrukshon pa asina nan tambe gana nan pan di
kada dia i buta pan riba mesa di un manera digno pa nan famia.
Di e forma aki ta prepará un futuro inklusivo pa yunan di Kòrsou na promé luga den
e sektor di konstrukshon tambe. Alabes ta evitá salida grandi di divisas i sòru ku
plaka produsí na Kòrsou ta keda sirkulá mas tantu den nos ekonomia lokal.
Ku e plan i akshon aki yu di Kòrsou tambe por benefisiá di e kresementu ekonómiko
aki den sektor di konstrukshon pero tambe yuda e sektor di konstrukshon ku trahadó
i sòru pa aportá na nos ekonomia.