Situacion na Aruba no ta di gaba pero varios sindicato y departamentonan no ta compronde cu solamente hunto mane un Aruba uni lo por sali di tur e situacion cu ta presenta debi na e pandemia. Sinembargo tin sigur tres sindicato so cu no ta of no kier compronde. Tampoco no ta sigur cu ta tur miembronan ta firme para nan tras.
Durante di investigacion cu eanews a haci ta resulta cu Douaneronan kier bay traha menos ora pa reduce e 12.6% pero pueblo y of kisas e douaneronan mes a lubida cu nan tin un werktijdbesluit cu ta na vigor y e ta un ley te na e momentonan aki.
Awor e pregunta ta keda si e douaneronan kier bay traha menos ora unda cu e servicio ta bay atras, Aruba ta bay atras, comerciantenan lo wordo perhudica, y e situacion manera Aruba ta actualmente lo bay atras y e 12.6 % lo keda mas largo ainda. Kico realmente e sindicatonan cu a bay corte kier logra ?
Siendo si cada un di e ambtenaar nan aki si nan ta stima e pida baranca aki y nan kier mira pais Aruba bay dilanti y logra sali di e situacion aki , e pais ta haya e push nesesario y e ambtenaar nan mes lo por beneficia di esaki mirando cu mas esfuerso wordo haci mas lihe e 12.6% por wordo kita. Pero esaki no ta e caso na e ambtenaar nan punto di bista.
Awor ta hibando un lucha contra pais Aruba unda cu Douaneronan kier bay traha pa menos ora, pero con ta para cu e werktijdbesluit di Douane cu ta un ley. Ta importante cu minister di finansas por duna un bon splicacion riba esaki mirando cu e ambtenaarnan no ta compronde of no kier compronde cu ley mester keda respeta y nan mes a huramenta pa esaki,of ambtenaarnan riba nan mes por y of kier dies trapa riba leynan stipula ?.
Si mira e situacion aki hopi di serca e parti aki ta trata di un violacion grandi. Pa loke ta trata e dienstnan di KPA , Douane , Imigracion ect ect , tur ordediensten nan tin un werktijdbesluit. Tur ambtenaar a huramenta cu nan curason y alma cu nan lo traha pa pais Aruba.
Kico ta un werktijdbesluit ? Un werktijdbesluit ta keda oficialmente bisa na e ambtenaar di e departamento cu e ta traha y kico ta e orario di trabao como ambtenaar mester atene su mes na dje. Porehempel esun di imigracion ta bisa cu e prome warda ta cuminsa 7or y ta caba 3 or di atardi , e di dos warda ta cuminsa 2 or di atardi y ta caba 23:00.
Sinembargo tin departamentonan manera KPA y Douane tin mas warda manera 12-8, 8-4 cu tambe ta hinca aden. Na momento cu pone tur e wardanan aki di cada un di nan individualmente nan a traha un werktijdbesluit cu ta conforme di ley un Landsbesluit (LB) cu ta duna e ambtenaar e orario di trabao di cada un di e ordediensten nan.
Actualmente e realidad ta tin un recorte di 12.6% cu e sindicato kier pa nan miembronan specialmente esnan cu ta den corte na e momentonan aki pa nan haya supuestamente e 12.6% bek. Sinembargo nos tur sa e tempo aya cu Hulanda a manda pidi gobierno nan pa tuma medida y un di e medidanan tabata pa kita ambtenaar manda cas. Ta conoci cu desde hopi tempo caba Hulanda a pidi GOBIERNO NAN pa baha gasto di personal. Sinembargo gasto di personal no ta trata solamente di esnan cu ta traha den cocolishi, pero den TUR Departamento di gobierno cu gobierno di Aruba ta paga.
Esaki ta significa entre otro cu lo mester haci aparato publico mas delega unda cu sea lo mester privatisa departamentonan of manda hendenan cas.
Aki ta caminda gobierno actual a para y a bisa Hulanda NO mi no lo kita pan di ningun hende na Aruba. E gobierno a para banda di su pueblo incluyendo tur e ambtenaarnan cu ta protestando na e momentonan aki contra di gobierno. Pero un solucion mester a bin y e solution pa mantene tur ambtenaar na trabao y cu cada un di nan por cobra ta pa tur ambtenaar yuda y pone di nan mes pa nan tur como ambtenaar.
Editorial
