Diabierna 30 di april ultimo a tuma lugar na tereno di RCA, weganan di futbol escolar categoria C mucha homber (naci aña 2003 y mas hoben), organiza pa IBiSA.
Weganan aki a sigui cu tur regla di protocol di deporte vigente.
Tabata tin tres wega cu a tuma lugar y prome wega tabata Maria College cu a enfrenta Colegio Arubano y e wega aki a termina cu score di 9-1 na fabor di Maria College.
E di dos wega tabata entre Maria College Dependance cu a enfrenta Mon Plaisir College y aki Mon Plaisir ta bay cu victoria cu score di 3-1.
Ultimo wega tabata entre Juliana School cu a enfrenta De Schakel College y aki ganador tabata De Schakel College cu score di 3-1.
Weganan ta continua awe tardi na tereno di Brazil Jrs. y tambe na RCA, keda pendiente pa mas informacion di IBiSA, por sigui IBiSA tambe riba rednan social tanto facebook como Instagram.
