Ayera tardi Wardakosta a señalá un kontakto sospechoso na altura di Piscaderabaai. Despues di detekshon akí, e Sentro di Operashon Marítimo di Wardakosta mes ora a dirigí un boto patruyero Metal Shark den direkshon di e boto sospechoso.
Na yegada di e boto patruyero na Piscaderabaai, e boto di piskadó lokal a keda guiá pa e pir di Wardakosta. Na yegada na e pir e ofisialnan di Wardakosta huntu ku Duana a listra e boto. Na bordo di e boto di piskadó lokal a enkontrá mas o ménos 550 kilo di kokaina. E droga i e dos hòmbernan, di kua un Kurasoleño i un Boneriano, a keda entregá na Kuerpo Polisial di Kòrsou. Entretantu e droga a keda destruí.
