Den e temporada binidero Wardakosta lo ehekutá kontrolnan mas severo riba laman. E kontrolnan aki lo konsentrá riba e seadoo i boto nan dokumentonan bálido pa nabegá i nan materialan di seguridat ku mester tin na bordo. Wardakosta a hasi algun kontrol kaba último wikentnan riba laman, na algun bich i den e bahianan na parti ost i wèst di Kòrsou. Durante e kontrolnan ku a ehersé den e wikèntnan ku a pasa a duna na total 12 prosèsverbal i a konfiská un seadoo.
E patruyanan akí a ser realisá konhuntamente ku ‘Havenveiligsheidsinspectie’ i Kuerpo Polisial di Kòrsou. Durante e siguiente kontrolnan ku lo ser ehekutá Wardakosta lo kontrolá mas severo i den kaso ku ta nesesario lo duna but i/òf pone beslag riba e boto òf seadoo. Wardakosta ta pidi tur kapitan pa nan tin nan dokumentonan di nabegashon i materialnan di seguridat huntu ku nan.
Wardakosta ta avisá doñonan di boto pa hasi mantenshon regular na nan botonan. Pa propio seguridat na bordo mester tin: sufisiente chaleko di salbabida, un flèshlait ku bateria i un pitu, un EHBO kit, sufisiente awa, aparato pa paga kandela, VHF radio òf un sellular kargá. Evita e chèns di un aksidente òf situashon peligroso riba laman kubo boto òf seadoo. Den kaso kubo mester di yudansa bo por yama Wardakosta riba 913 òf manda un app via 510 0913