Wardakosta lo bai hasi kòntròlnan riba laman durante Semana Santa, meta di e kòntròlnan akí ta pa garantisá òrdu públiko i seguridat riba laman.
Wardakosta ta informá doñonan di boto i seadoo pa tene kuenta pa tur tin nan dokumentonan bálido na bordo kual nan ta nan: karchi di kür, karchi di registrashon, ‘vaarvergunning’ i e ‘vaarbewijs’ di e kapitan, mester tin sufisiente chaleko di salbabida abordo abase di e pèrmit di e boto, no por bai ku di mas pasahero na bordo di e boto pa evitá situashon peligroso, además mester tin artefaktonan apropiá di señal i flùit na bordo. Lo tin kòntròl riba tur e rekistonan akí di boto dor di Wardakosta. Wardakosta lo tei ku diferente di su unidatnan durante Semana Santa
riba laman pa asina nos por kubri vigilansha i brinda seguridat konhuntamente ku CITRO i nos otro partnernan di e Operashon Semana Santa na henter e kosta di Kòrsou. Banda di esaki e helikòpter lo tira bista riba entre otro Klein Curaçao.
Wardakosta ta konsehá tur doño di boto pa laga hasi mantenshon frekuentemente na nan boto. Sòru pa bo tin sufisiente medionan di seguridat i ekipo di reskate na bordo, tal manera: chaleko di salbabida, flèshlait, kaha di promé asistensha (EHBO-kit), sufisiente awa, aparato pa paga kandela, radio VHF òf telefon selular ku bateria kargá. Evitá ku bo boto ta daña na kaminda i kubo tin un situashon peligroso riba laman ku bo boto i bo pasaheronan. Den kaso ku bo mester di yudansa, bo por yama Wardakosta riba e number 913 of Whatsapp 005999 510 0913.
