Ultimo simannan Wardakosta ku asistensha di Defensa den Karibe a intensivá patruyanan na
kosta i den awanan teritorial. E intensifikashon di e patruyanan ta un resultado di e krisis di
corona ku ta asotando henter mundu i tambe nos islanan. E asistensha di militarnan na kosta ta
ensera patruyanan ku ta ser ehekutá pa e militarnan na diferente lokalidat riba tera. E
intensifikashon di e patruyanan den e periodo di krisis di corona ta prinsipalmente pa kontrolá e
tráfikashon ilegal di merkansia i personanan ku ta hasi intento pa yega e islanan ku entre otro
droga, munishon i ku rísiko ku personanan por ta infektá ku e vírùs di COVID-19. Wardakosta lo
keda patruya kosta i laman ku e kolaborashon di Defensa den Karibe pa e periodo binidero.
Wardakosta ta hasi un súplika na habitantenan pa na momento ku mira algu sospechoso òf
peligroso riba laman òf na kosta, pa yama Wardakosta riba e number 913.
E number akí ta alkansabel di dia i anochi. Barkunan riba laman tambe por tuma kontakto ku e
Sentro di Reskate di Wardakosta via di e kanal VHF 16 na momentu ku nan mira algu
sospechoso òf peligroso riba laman. Kubo kolaborashon nos por mantené e kostanan i laman
seif durante di e krisis di corona tambe
Wardakosta huntu ku militarnan di Defensa lo keda patruyá frontera intensivo
