Ayera anochi Wardakosta su Sentro di Reskate i Kordinashon a detektá un kontakto sospechoso riba laman. Mesora a dirigí un unidat pa bai tira un bista na e lokalidat. Na yegada e tim di Wardakosta a enkontrá 26 persona indokumentá na bordo di un boto tipo yola. E personanan a ser hiba na Baya Beach kaminda e tim multidisiplinario konsistiendo di miembronan di Wardakosta, GMN i Polis tabata presente pa hasi e kontrolnan nesesario. Despues di e kontrolnan e indokumentadonan a ser entregá na polis pa sigui ku mas investigashon.
Wardakosta di Karibe ta interseptá yola ku 26 indokumentado
