Wardacosta ta asisti boto The Hook na Rancho Clemente

E boto, The Hook cu parcialmente a zink despues di e yobida di awa fuerte na Aruba
recientemente, a ser asisti pa e punto di sosten di Wardacosta na Aruba.

E boto tawata na Rancho Clemente na su lugar di ankra y a bai bow di awa parcialmente despues di e yobida di awa pa motibu di orcan Franklin. Wardacosta a bai Rancho Clemente y a yuda e capitan cu ekiponan pa pomp tur e awa for di e embarcacion. Durante di e pompmento di awa, e boto a subi poko poko bin superficie bek. E capitan di e boto The Hook tawata hopi contento cu Kustwacht a yud’e salba su boto.