Den parlamento awe un biaha mas mester a vota pa ley di matrimonio di mes un sexo y e votacion a keda mes un cos 10 pro y 10 contra, asina e ley di matrimonio di mes un sexo a keda rechasa y no ta drenta na vigor.
E reunion pa trata e ley di matrimonio di mes un sexo a cuminsa for di 8 di mei unda cu parlamento a trata e ley pero na final e votacion tabata 10-10 cu a conduci cu mester a vota un biaha mas riba e ley. Den parlamento tabatin presente 20 parlamentario pa vota.
Parlamentario Raymond Kamperveen a hiba palabra y kier a recorda cu e ley ta trata di igualdad y no discriminacion. Den esaki ta importante pa separa loke ta kerk y loke ta staat.
Tambe den mes momento parlamentario Raycond Santo do Nacimiento ta kere ta hopi importante pa ta realistico y esunnan cu na Aruba e mayoria no ta diacuerdo pa cu e ley di matrimonio di mes un sexo y nan tambe tin e derecho cu nan no ta desea esaki pa nan PAIS y yiunan of futuro yiunan biba den un sociedad cu ta permiti tur cos.
Tin mas cu 18 mil persona cu a firma y ta para pa e matrimonio tradicional. E voto cu a tuma luga den parlamento no ta pa discrimina debi cu tin otro formanan pa regla unionnan di mes un sexo . E votacion a bay pa loke ta e definicion di matrimonio mes. Esunnan cu ta contra di ley di matrimonio di mes un sexo ta kere cu tin un diseño di famia cu mester respeta y e gruponan di LGBT tambe mester respeta esaki y no solamente wak di nan banda. E diseño di matrimonio ta sagrado y nos tur mester respeta esaki.
Den e mes un rosea Parlamentario Miguel Mansur di accion 21 ta sinti cu parlamento no a haci su trabou di no a aproba e ley. Cu na Aruba nos no ta permiti discriminacion. Nos mester derumba iglesia y ley for di otro y ta manda e mensahe pa e grupo LGBT pa nan move nan poder y no permiti pa greyente impone nan creencia riba otro, asina parlamentario Miguel Mansur di accion 21 a declara.
Parlamentario Shailiny Tromp Lee a keda memey di su decision y ta abstene su mes di vota y ta pone cu e votacion ta keda mes un cos. Parlamento riba e ley di matrimonio di mes un sexo ta mira claramente un division na otro den parlamento y unda cu claramente ta mustra cu Aruba ta un Pais cu ta respeta dos tipo di pensamento uno cu ta e grupo di LGBT cu ya caba a regla pa e grupo e derechonan ora nan casa via di un geregistreerde partnerschap y na e mes un momento ta keda respeta e grupo di persona cu tin e pensamento cu matrimonio ta un union di famia cu mester respeta.
