Vice Presidente di corte comun di husticia Jacques Keltjens a splica un poco general, riba e Jaarverslag pero tambe por haya esaki online pa tur hende mira y tin un video tambe unda cu ta elabora mas profundo riba e ultimo 5 añanan cu ta trata e situacion di COVID, Caribizering , amplacion , maneho, procesonan interno cu tin prioridad cu ta casonan cu ta drenta tur dia y cu huesnan mester trata cada casonan, mester skirbi e sentencianan , huristanan cu mester yuda y tambe proceso administrativo cu mester tuma luga.
Esaki ta trabounan interno cu ta tuma luga na Aruba, pero e Jaarverslaag ta bay over di e ketenparthners y esaki ta algun cu ta manera voogdijraad cu tambe ta haci investigacion riba casonan di famia cu mester duna conseho na corte riba e caso y cu nan mester percura di traha un rapport pa esaki. Sinembargo e consehonan aki hopi biaha ta drenta laat y pesey mes mester tin bon comunicacion cu otro pa e caso por ta mas husto cu ta posibel.
Un desaroyo positivo cu a tuma luga den 2023 ta e iniciativa di gobierno pa bin cu plan di mayor. Esaki ta un departamento cu lo yuda mayornan cu ta divorcia pa nan yiunan ta central y yega na bon areglonan na bienestar di e muchanan pa nan futuro. Plan di mayor ta tuma e caso y ta intermedia y yuda e mayornan pa traha un plan.
Segun Presidente di corte comun di husticia Jacques Keltjens te na e momentonan aki e experencia cu tin den e proceso di plan di mayor ta hopi positivo.