Den fin di siman por a tuma nota di grupo di filmacion internacional na Aruba. Sinembargo no ta na un luga comun nan a bay filma pero na KIA. Autonan grandi para cu ekiponan dilanti porta di KIA y tambe parti di patras un otro van chikito para cu drone ta filma direccion KIA. Si tin permiso pa haci esaki no ta conoci, sinembargo ni minister di husticia Rocco Tjon y tampoco director di KIA tabata na altura cu tabata tin filmacion cu ta tumando luga rond di KIA.
Asina siman a habri por a tuma nota cu Beth Holloway cu Nancy Grace ta na Aruba cu un ploeg di camara pa filma rond di Aruba. Kico ta nan intencion e biaha aki un biaha mas no ta conoci. Por corda ainda e temporada cu Aruba a pasa aden, e daño ireparabel cu Joran van der Sloot a ocaciona e famia di Nathaly Holloway pero tambe Aruba.
Sin duda algun Aruba a compronde e dolor di e mama, pero no ta compronde e actitud di keda haci pais Aruba daño. Loke cu a sosode no ta aceptabel. Mescos cu e famia kier haya claridad y solucion, Aruba tambe kier Esaki. Pero no por bin sin mas y trata di causa daño na imagen di Aruba.
Un echo cu sigur no ta aceptabel, pero tambe ta un echo cu Joran van der Sloot a ocasiona Aruba daño y cu e ta cera na Peru, pero tampoco no ta aceptabel cu Beth Holloway ta tuma un postura na momento cu e ta haya su gana di bin Aruba y traha documentarionan y trata di difama Aruba di manera cu e ta desea y cu a haci caba den pasado unda cu ta bin pone un presion aki na Aruba.
Aruba ta stima rond mundo unda cu hopi turista ta bini y ta keda bini pa e trankilidad cu tin y tambe e hendenan amabel cu tin na Aruba
