Secretario di estado Alexandra van Huffelen Diamars mainta den un rueda di prensa cu prensa di Caribe Hulandes y a duna mas detaye tocante fiansa di 1.2 miar florin cu Hulanda ta ofrece Corsou pa yuda ENNIA.
Segun Van Huffelen gobierno di Hulanda y Corsou ta preocupa tocante situacion financiero di ENNIA. Si nos no ta haci nada, for di comienso di 2024 ENNIA lo tin problema pa paga tur hende nan pensioen completo. No tin otro opcion, nos tin cu inverti e cen den ENNIA. Si no, no por garantisa pensioen mas.
Segun Van Huffelen Hulanda kier fia Corsou e cen, i tambe un parti na Sint Maarten. “Nos no ta mira niun otro opcion.” Manera ta conoci Hulanda diamars a duna di conoce cu nan ta bay inverti hopi cen pa combati pobresa den islanan Boneiro, St. Eustatius i Saba. Den e rueda di prensa Van Huffelen a splica cu esaki ta los for di problematico cu ENNIA. Pero e ta enfatisa cu como gobierno Hulandes nos ta bisa cu ta hopi importante pa nos busca un solucion.
Van Huffelen ta splica cu te ainda tin diferente casonan den corte relaciona cu e caso. Si Ministerio Publico tambe tin cu cuminsa un caso penal, no ta un decision cu Hulanda por tuma. Esaki ta algo pa gobiernonan di Corsou i Sint Maarten. Nan por opta pa haci denuncia contra ENNIA, si nan ta desea.