Dr,. Carlos Vallejo den un conferencia di prensa a papia riba e vacunanan existente, con nan ta wordo traha pero tambe con mester atende cu nan. Tur tin un procedura diferente.
Almacenamento y conservacion di e vacunanan contra COVID-19 ta hopi importante y diferente cu otro vacunanan. Por lo menos pa mayoria di e vacunanan cu tin aworaki.
Asina por ehempel e forma pa warda e vacuna di Merca ta exigi cu esaki mester sosode den un area unda e temperature ta -80 grado Celsius. Esaki ta haci cu e vacuna aki ta 10 of 15 bes mas caro pa cual no ta tur caminda nan por wordo distribui.
Pero Astra-Zeneka ta ofrece di dje na menos di 6 euro te cu juli, 2021. Nan ta den contacto principalmente cu paisnan subdesaroya pa nan tin acceso na un vacuna. Y e conservacion ta mas facil, di -8 grado Celsius. Nan ta dura te cu 6 luna despues cu saca nan, mientras cu esun di Pfizer ta dura solamente 1 luna. E prome ta permiti pa e vacuna yega na reaccionnan mas remote.
E reaccion riba vacuna por ta pleki cora, dolor di weso, malestar, dolor di cabes, cansancio, etc. Ta reaccionnan pasahero. Ta importante pa banda di e inmunidad natural, haya e inmmunidad adicional cu e vacuna ta trece cu ne. Tur e vacunan a haya revision di autoridadnan concerni y tin su margen di siguridad, pero su efecto a largo ta algo cu mester mira ainda kico e lo trece cune.
E vacuna di Rusia, China y Reino Uni ta uza e virus mensahero cu e vacuna Mericano no ta uza.
