Lider di partido Union Patriotico Boneriano (UPB) James Kroon ta contento cu e celebracion aki,e ta un sentimento grandi unda cu ta recorda cu 51 aña pasa sr Rudy Ellis tabata e prome lider cu su team a lidera y despues Sr Ramonsito Booi a tuma over y por a mira transcurso di aña cu UPB a haci historia na Boneiro un di nan sigur ta e laso directo cu a bira un realidad y na unda cu porfin e hende nan ta mira e vision cu sr Ramonsito Booi tabatatin pa cu esaki.
Ami mes un persona cu ta lider actual di UPB ta sigui e paso di e dos lidernan prome. Actualmente como lider di e partido den e proximo añanan lo sigui cu e partido tambe riba e bon caminda. Partido UPB for di inicio y te cu na e momentonan aki semper a traha riba desaroyo di Boneiro , su hende nan y tambe a percura pa e economia ta stabiel.
Segun James Kroon gran parti tambe e partido di UPB tabata den gobierno su so of den oposicion y ta pone cu e partido tin su raiz di paden di e curason di e bonerianonan y esey ta trece un bunita satisfaccion bunita pa sa y biba cu e partido.
Hopi ta keda papia tambe pa reorganisa e partido. Segun lider actual di UPB esey ta bay ta un paso cu lo cana su caminda automaticamente den e añanan cu ta bini. Loke cu e partido kier keda cu ne sigur ta cu loke cu e partido a inicia cu ne di 2004 te cu 2010 y mas 10 aña despues partido UPB ta kere lo bay fortifica su mes riba esaki hunto cu Hulanda paso nos ta parti di Hulanda pa locual cu a anticipa for di e tempo ey pa duna realse na nan.
Asina aki tambe UPB ta cumpli como partido cu mayoria di e puntonan cu ta esunnan cu mester a cumpli cu ne pa caba di formalisa e union cu Hulanda. Union Patriotico Boneriano ta un partido Cristian y tin un santo sacrificio na misa di playa na Boneiro pa asina gradici DIOS pa tur e bon trabaonan cu a permiti pa esnan den e partido por a eherse manera debe ser.
Union Patriotico Boneriano a cumpli 51 aña di exsistencia
