Durante e periodo 23 te ku 30 di ougùstùs, e di 40 rotashon ‘Compagnie in de West (CidW)’ ku ta e unidat di Ehérsito, i ku temporalmente ta ubiká na un forma rotativo na Komando di Forsanan Naval den Region Karibe Hulandes, na Bonaire, lo ta praktikando ehersisionan. Durante e ehersisionan aki nan lo move na diferente parti riba e isla. Esaki lo sosedé tantu na pia komo ku vehíkulonan di ehérsito. Nan lo ser mirá tantu den zona nan habitá komo no habitá.
E meta di e ehersisionan aki ta pa siña konosé e pais ku su geografia i poblashon mas mihó. Tambe ehersisionan den un klima diferente ta un di e motibunan pa hasi esaki na Bonaire. Parti di e ehersisionan ta entre otro ehersisionan di rekonosementu (midi kalibrashon di registro di un área òf opheto na un forma sekreto òf mantené esaki bou di opservashon), mantené anotashonnan di habilidatnan propio, i kap palunan di mangrove pa un bon kousa.
Manera ta kustumber, Komandante di e Unidat, Major Rian van der Meer ta presta un bishita na Gezaghebber di Bonaire. CidW ta un batayon di forsanan di ehérsito ku kada kuater luna ta keda interkambiá pa un siguiente unidat. CidW 40 ta prosedente di (Komando Operashon di sosten di Pais) (Operationeel Ondersteuningscommando Land) un di e kuater brigadanan di Forsanan di Ehérsito Real. E batayon aki ta reforsá ku entre otro miembronan diferente di ingenieria i servisionan médiko, pa medio di kua tin tambe un diversidat di spesialismo presente. E unidat tambe ta keda desplegá pa brinda yudansa di emergensia òf despues di un solisitut di asistensha di parti di Gobièrnu Lokal. E unidat ta keda hibá i buská pa e barku di apoyo, Zr.Ms. Pelikaan.
