E aña aki ta un temporada di eleccion. Tur partido politico a Sali mas tempran debi cu gobierno a cay inesperadamente. Sinembargo no ta tur partido tabata cla pa cuminsa un campanja fuerte , pero tampo e sircunstancianan ta duna pa tin un campanja tradicional manera nos tur conoce. E impacto di COVID na Aruba tabata grandi , pero mas ainda e impacto cu algun persona no tababata compronde e nesesidad di keda cas y no bay unda cu tin hopi hende. Tabatatin un temporada cu cifranan a subi drasticamente y esaki a pone cu mestyer a tuma hopi mas medida pa por tur cos bao di control. Awe por bisa pa e bon maneho di gobierno y ciris team a flexibilisa algun medida, pero e campanja tradicional no lo por ta posibel debi cu aglomeracion di hende no ta permitibel.
Hopi cambio tin debi di e pandemia un di nan ta e manera cu lo bay vota , loke cu a bin aserca ta e parti di scan, pero lo general a keda mes un cos. E sistema aki ainda lo mester splica e pueblo mas pa tur cos cana manera debe ser. Tur biaha cu tin cu bay vota mester hiba un ID valido , den e caso aki un pasport, of un rijbewijs pero loke ta hopi importante pa tene cuenta cu ne cu e rijbewijs di antes lo no por vota cu ne, esaki ta debi cu na momento cu gobierno anterior a cambia e sisitema di rijbewijs esaki no tin e balor manera ta stipula den ley y e reglanan, pesey mes cambionan a tuma luga unda cu awe e rijbewijs cu ta keda traha na Censo Aruba ta e unico rijbewijs legal y cu ta keda acepta na momento cu mester bay vota. Esaki ta pa siguridad di nos mes y nos tur. Esaki ta muestra di un otro blunder cu e gobierno anterior a haci cu e rijbewijs di Aruba.