Costo di bida halto, perdida di poder di compra, cost of doing business aumentando, inversionan priva reduciendo, diferencianan preocupante den reparticion di entrada, pobresa y fragmentacion di famia, Aruba den un deterioro fisico y social, tur ta retonan grandi cu Aruba ta enfrentando.
Den un tempo cu retonan complica ta keda influencia nos desaroyo e necesidad pa guia confiabel y conocemento ta bira di esencial importancia. E solucionnan mester ta basa riba estudionan cientifico amplio y profundo. Nos no por traha cu un solo set di cifra isola for di un cantidad di otro realidad y factornan den comunidad. Nos mester un “dashboard” Completo di informacion pa por fiha maneho y tuma decision”, e lider di fraccion di avp, mr. Mike eman a expresa.
E propuesto pa institui un sociaal-cultureel planbureau aruba (scpa) ta hunga un papel crucial den e vision aki. Scpa lo funcciona manera un entidad di investigacion cientifico independiente cu ta analisa, investiga, y rapporta cuestionnan sociaal-economico y comunal di un manera basa riba fundamento cientifico. Esaki no solamente ta trece un comprendemento profundo di e cuestionnan aki, pero tambe ta provee un “Dashboard” Amplio di informacion confiabel y profundo na na nos comunidad, Eman ta splica.
Pa nos logra un acuerdo nacional riba e cambio di rumbo cu nos pais mester bay pa sali for di e situacion preocupante cu e ta aden nos mester dialoga. Nos mester hiba e dialogo aki basa riba informacionnan amplio y profundo cu nos mester analisa cu participacion di profesionalnan scientifico. Pesey un sociaal cultureel planbureau aruba ta urgentemente necesario, mr. Mike Eman ta accentua.
“e confiansa den ciencia, man den man cu un bista cla di e realidadnan cu ta biba den pueblo, lo tin e credibilidad cu ta necesario pa crea un sosten nacional pa cambio di rumbo. Cu e “dashboard” Di informacionnan cu un SCPA por provee nos lo tin datonan imparcial, profesional cu cual nos por tuma decisionnan huicioso”.
E lider di fraccion di AVP, mr. Mike Eman, cu a dirigi como prome minister dialogonan asina profundo, cu datonan profesional, ta subraya e balor di un sociaal cultureel planbureau Aruba, manera nan tin planea den nan proposicion. “nos propuesto pa institui hunto cu Hulanda un sociaal-cultureel planbureau aruba (SCPA) ta crucial pa provee un “dasboard” Completo di informacion cientifico pa nos por traha pa e bon comoun di aruba henter. Un solo set di cifra, isola for di un cantidad di otro realidad y factornan den comunidad, no ta suficiente. Nos mester un “dashboard” Completo di informacion confiabel pa por fiha maneho y tuma decision pa determina un rumbo di cambio positivo pa Aruba.