Organisacion Futuro tin su plan hinca den otro caba di con pa atende diferente asunto cu di
suma importancia pa e bienestar di nos isla. Un di nan sigur ta un relacion mas cooperativo y
structura den Reino Hulandes.
Organisacion Futuro hunto cu mr. Gerlien Croes ta biniendo cu puntonan di enfoke cu ta cla pa
yega ehecuta una bes cu asumi e responsabilidad di dirigi nos pais pa e proximo cuater aña.
Ta bon pa recorda cu e tereno di Relacion den Reino no ta desconoci pa Croes. Hustamente
tabata na Oficina di Relacionnan di Reino cu el a labora despues di a regresa cu su diploma di
Hulanda y caminda el a obtene un gran experiencia den con pa atende y negocia cu politico y
funcionarionan Europeo.
“Pandemia a trece un dimension nobo cu reino, pero tambe oportunidad nobo di colaboracion.
Pais Aruba mester di un liderazgo cu ta compronde e importancia di cooperacion y con pa haci
uzo di e realidad nobo aki pa alcansa e obhetivonan cu ta hiba na un futuro mas sostenibel pa
nos isla,” Croes a expresa.
E vision di Futuro ta pa aumenta e confiansa entre e partnernan di Reino pa medio di
colaboracion. Exito di un maneho mas structura y disciplina di pais Aruba tin oportunidadnan
clave cu ta na beneficio di tur. P’esey ta kere firmemente cu mester priorisa e elementonan di
bon gobernacion, transparencia y un finanzas publico mas saludabel cu por conduci na mas
cooperacion y asistencia entre partnernan di Reino.
Nos lo introduci programa di intercambio cu partnernan den Reino pa conoce, adopta y
comparti e miho practicanan, un miho comprondemento di nos capacidad di desaroyo y
ehecucion di proyecto di 'twinning'. Hunto cu esey lo busca acuerdo di colaboracion bilateral y
trilateral den area di comercio, salud, husticia (migracion), educacion, y transicion energetico
tanto den sector publico como priva.
Futuro ta kere den mas promocion di relacion y colaboracion, no solamente cu e gemeentenan
di Hulanda, pero tambe cu e instancianan coordinador Hulandes cu por yuda na desaroya un
miho relacion institucional entre Aruba y Union Europeo. "Tin un gran potencial di beneficio pa
nos isla, financiero y di asistencia tecnico, si nos ta cera cabes hunto. Esey ta e pensamento di
organisacion Futuro", Croes a indica.
Pronto e topico aki hunto cu tur otro cu ta forma parti di e plan di accion integral di Futuro lo ta
obtenibel online riba www.futuro.aw pa un y tur lesa. Mientras tanto sigui Futuro riba e
plataformanan di Facebook y Instagram pa mas informacion, update di e candidatonan nobo y
mas.
Un relacion mas efectivo cu Reino Hulandes tin benificio pa tur ciudadano
