Diaranson mainta ta habri cu un otro caso lamentabel cu tambe a shock comunidad di Aruba. Den careda di 6 or di mainta un persona cu ta cana y haci deporte na Bushiribana a tuma nota cu tin un auto y banda di e auto tin un curpa cu no ta duna señal di bida. Polis a yega na e sitio a bin topa un persona masculino cu no ta duna señal di bida. Te na e momentonan aki no por bisa kico exactamente por a pasa sea cu e ta un suicidio of un homicidio. Segun Vocero di polis liliana Rasmijn te na e momentonan aki no tin un claridad den esey ainda.
Na momento cu no por a identifica e persona a bay over ta busca pa sa kende ta doño di e aunto, aki ta caminda cu e caso ta bira un poco caminda cu e doño di e auto cu ta biba na un cas na noord polis a bay na e cas y na momento cu a yega hunto cu famia a constata cu e dama den e cas tampoco ta duna señal di bida.
Esaki ta un caso hopi lamentabel unda cu dos persona ta keda encontra morto y te ainda cuerpo policial no tin e claridad pa bisa ainda di kico por a pasa. Pa 9 or di mainta Dr. Scholten ta constata morto di Jose Miguel Garcia Moreno naci 20 di April 1988 (35) y ta naci na Venezuela. Esaki ta e persona cu a keda encontra na Bushiribana den oranan di mainta trempan.
E sra. Cu a keda encontra na e cas sin bida ta sra. Leila Gregoria Contreras Romero naci di 1 di augustus 1974 (49). Den e caso aki hopi no tin debi cu te ainda e recherchenan ta investigando pa asina saca afo kico por a pasa y kico por a conduci pa un acto asina aki si ambos caso tin conexion cu otro, segun vocero di polis Liliana Rasmijn pesey no por bisa ainda, pero despues di e investigacion lo mester sali na cla.
Den tur casonan cu ta pasa na Aruba importante ta na esnan cu kisas sa algo of a mira algo cu ta relavante pa cu e caso aki yama mesora a tip line di polis cu ta 11141 y tur hende ta keda anonimo.
Segun Liliana Rasmijn si mester mira pa e anja aki caso nan di asesinato e cifra ta relativamente abao, pero semper kier keda focus pa tipo di casonan asina ta 0 na Aruba. Tur tipo di casonan asina tin un impacto grandi pa Aruba y principalmente debi cu nos prome pilar economico ta turismo y esaki ta afecta e turista tambe. Tur e departamentonan cu ta cay bao di e capa di husticia ta conscientisa den diferente manera, ultimo mes a haci peticion pa tur hende entrega nan armanan lagando esaki atras den e baki di polis y nan no lo wordo persigui. Tanto OM y KPA ta sigui traha pa conscientisa pa Aruba su habitantenan y bishitantenan su siguridad.
Cuerpo policial ta manda palabra di hopi forsa na cada famia cu ta pasando den momentonan dificil na e momentonan aki.