“Ukraina semper ta duna bek loke ta di dje”, e hefe di e oficina presidencial, Andrii yermak, a bisa. Control riba e pueblo aki lo repercuti riba e balansa di forsa den e zona oriental di e pais
Forsa ukrainano ta busca pa estrecha e sitio rond Di Bakhmut mientras nan ta sigui e lentamente pero empeñá reconquista di teritorionan den e sur di e pais, unda nan ta topa cu un resistencia Ruso feroz. Autoridadnan a anuncia awe cu e pueblo di Klishchiivka, na sur di Bakhmut, a wordo retoma pa trupanan local.
Maliar a bisa cu den e area di Klishchivka, un di e suburbionan di Bakhmut, como resultado di e accionnan ofensivo, e forsanan Ucraino “a logra”, sin duna mas detaye.
E hefe di e oficina presidencial di ucrania, Andrii yermak, a publica un potret di soldaatnan Ucraino cu e bandera di E pais, presuntamente na Klishchivka.
“Ukraina semper ta duna bek loke ta di Dje”, Yermak a skirbi, insinuando e toma di e localidad, cu ainda No A wordo comenta pa e Staff di ucrania. El a agrega: “Klishchiivka ta Ucrania. Mi ta agradecido na e soldadonan pa e desocupacion di e tera Ucraino”.
“Klishchiivka a wordo limpia di Ruso”, Oleksander Syrskyi, comandante di e forsanan terestre di e militar Ucraino, a bisa riba rednan social.
E anuncio a bin despues cu e forzanan armado di Ucrania a bisa ayera cu e pueblo di Andriivka, tambe localisa na sur di E ciudad Ucraino Di Bakhmut (este), a wordo retoma.
E control riba Klishchivka, menos di 10 kilometer for di Bakhmut, lo repercuti seriamente riba e balansa di forsa den e zona aki y lo permiti e Ucrainonan pa dal golpi den e retaguardia ruso.
Rusia, pa e momento aki, tampoco a comenta oficialmente riba e situacion den e pueblo, y su bloggernan militar a dividi entre esnan cu ta considera e localidad perdi y esunnan cu ta insisti cu e destino di e pueblo no ta cla ainda.
Na su turno, segun Kiev, su forsanan tambe tin éksito den direccion di Melitopol, na sur, caminda nan ta infligi perdidanan importante na e forsanan ruso, “obligando nan pa retira for di e posishonnan ocupa”, Maliar a bisa. Na mes momento, Kiev ta mantene presion riba Moscu cu atake di drone riba teritorio Ruso. INFOBAE