Un gobierno sin comercio lo kibra su Pais den pida pida

No ta for di awo comercio ta pasando den dificultadnan despues di COVID hopi situacion a cambia, pero no ta mira un mehoracion of miho bisa oido pa mehoracion pa e calidad di bida y economia di Pais Aruba.
Varios comerciante ta pasando den dificultad y no ta conoci cu gobierno realmente ta mirando e presion y e daño cu ta causando pa un existencia di un comerciante na Aruba.

Ultimo por a tuma nota con gremionan mester a lucha pa haya oido y tambe ser atende pa e BBO na frontera, pero na e mes momento tin un situacion di aerolinea di carganan local di comerciantenan local unda cu nan ta pone economia drey ta ser perhudica pa trece carga paso no por trece carga debi cu frontera cu Venezuela ta cera. Cu frontera cu Venezuela ta cera lage cera te ora termina cu e structura cu Aruba ta desea, pero sinembargo gobierno ta blokia y stroba pa comerciantenan por trece carga pa asina companianan y ciudadanonan por ricibi nan productonan y asina economia sigui drey.

Di otro banda otro comerciantenan awe a haya sorpresa di nan bida unda cu mayoria di nan a haya carta di precario for di DIP, algun di nan mas cu 40 mil florin pa paga mesora. Un situacion cu sigur a pone e comerciantenan bay den shock, mirando cu debi cu despues di pandemia, awo nan ta buscando e manera pa por hala un poco di rosea pa por recupera pa asina duna mas na e pueblo di Aruba, di otro banda ta haya un cabuya na garganta pa sigui horca enbes di lanta. Berdad e cabes di e dolornan di comerciantenan den mundo hotelero a bay, esta Haime Croes, pero desde cu e la bay no ta mira e deseo pa mehora pa comerciantenan local logra riba nan propio pais, pero si proyectonan stranhero di un of otro manera ta hayando prioridad riba nos mes un yiunan di tera.

E informacion cu EA News a ricibi ta cu mayoria comerciante na Aruba ta lamenta con gobierno ta trata nan,mirando cu con cu nos kier bire of mire sin comercio gobierno no ta haya placa y e pais lo cay y kibra. Kico por ta e solucion si gobierno mes ta y kier distancia su mes di comercio manera e ta ilustra na e momentonan aki, ta papia hopi di cu nos mester traha hunto, yuda otro, nos ta un Aruba y nos mester wak e pida baranca aki prome, pero papia ta un cos y den practica e ta diferente mirando cu gobierno ta expresa di un manera y e echonan ta diferente.
Un otro grupo di comerciantenan rabia y sigur tin algun entrepreneurs cu ya caba a duna di conoce cu nan no ta mira un futuro na Aruba como entrepreneurs y hopi ya caba sin di a habri nan propio compania hobennan bon studia ta bandona Aruba pa un miho futuro den exterior.