Awe den oranan di mainta tin un reunion importante na unda cu a keda presenta door di Raad van Advies, ARA y HOF tres candidato pa Ombudsman. E candidato nr 1- ta di Sra. mr.Katy Paskel-Ruiz, 2- mr. Jurima Bryson y na di 3 ta mr. George Croes. Cada un candidato ta bon studia y tin bon criterionan pa bira un Ombudsman pa Aruba.
Prome cu a presenta e tres candidato nan Raad van Advies, ARA y HOF a haci nan investigacion y abase di e investigacion haci ta mira kende ta cumpli cu e normanan y balornan estricto cu tin como liña pa un posicion asina importante como Ombudsman.
Faboritismo den e candidatonan no tin , pero cada un di nan a haya nan number cua di nan ta riba e lista ta door di nan educacion y experticio cu por fungi como un Ombudsman pa Aruba. Esun cu a sore mas ta cana prome.
Cada un di nan ta profesionalnan y cu por sirbi Pais Aruba como un Ombudsman cu lo bira un departamento importante cu por ta critico y indica gobierno riba maneho nan cu no ta cana bon contra di e ciudadano, Un Ombudsman ta e voz di e pueblo y e tarea di Ombudsman ta pa yuda esunnan den comunidad cu ta keda trata inhusto riba Pais Aruba. Awe mainta durante di un reunion na momento cu e tres candidatonan keda presenta lo tin un votacion y asina Aruba lo scoge su Ombudsman pa Aruba. Suerte na cada un di e tres candidatonan cu tur tres ta candidato potencial y respeta den comunidad di Aruba.
