Gobierno di Aruba ta sigui pusha e Sustainable Development Goals Agenda 2030. Nos minister di economia ta encarga cu e agenda aki y ta sigui pusha pa implementacion. E 17 puntonan den e agenda aki ta nada otro pa jega na un gobierno mundial. Esaki no ta nan tempo. Prome punto ta pobresa na unda e intencion ta pa bo no tin nada mas y e tiki cu bo tin lo bo perde. E di 2 punto zero hamber. E meta ta pa kita terreno di esnan cu ta planta y ta cria bestia. Hulanda ta un ehempel cla di esaki. E gobierno hulandes ta multa e agricultornan y cria di bestia si nan no entrega nan terreno na gobierno. E agricultornan y criador di bestia a duna gobierno hulandes un ultimatum caminda dia 30 di November 2022 nan lo cuminsa cu protesta pisa den tur provincia na Hulanda. Ohala esaki ta e fin di gabinete Rutte. Punto 3 ta salud y bienestar. Aki na Aruba ta manda trahadornan di hospital cas cu pakete pa baha gasto. Nos por a mira caba cu cuido a bay atras y cu salud di hende no ta importante. Esnan cu mester di cuido no ta haya attencion paso kier trata bida di hende manera un negoshi.
Punto 4 ta educacion di calidad. Kier introduci enseñansa di genero na scol y asina confundi nos mucha nan. Nan lo siña cu no lo tin mama y papa mas. Aumento di schoolgeld pa 400 florin. Punto 5 ta igualdad di genero. E punto aki ta unda e ley di transgenderwet mester wordo introduci y e mayornan lo perde autoridad riba nan yuinan. Mucha por bai censo y bisa cu nan no ta mucha homber mas sino mucha muhe. Esaki ta pa caba cu e famia institui pa Dios. Gobierno lo kita autoridadnan di mayor y nan por bay asina leuw di hasi operacion pa cambia nan gender. Esun cu laga corta su toteki afo lo tin cu biba pa resto di su bida cu e consequencianan di esaki. Esaki ta obra di satanas. Punto 6 ta awa limpi y saneamento. Nacion nan grandi ta dump nan desperdicio den lama y awor kier sali na defensa di mundo.
Punto 7 energia limpi y pagabel. Aki nos ta papia di solar panel y molina di biento ect. E Molina nan no ta reciclabel y na otro pais nan ta wordo derra y mester di grease cu no ta natural. Nos ta lubida cu partido mep a bay contra di e projecto di Urirama y a bin tur sorto di argumento y awe kier pushe den pueblo di San Nicolaas. Punto 8 trabow decente y crecemento economico. Den 5 aña di gobernacion gobierno no a bin cu ningun projecto, alcontrario cu tur e medidanan ta mas hende a perde trabow. Punto 9 industria, innovacion y infrastructura. Riba e terreno aki nada a wordo hasi. A corre campaña cu yen di promesa y nada mas. E Sustainable Development Goals agenda 2030 ta contra pa tin un refineria.
Punto 10. Reduccion di desigualdad. Aki ta unda pueblo lo no tin nada y lo mester ta feliz. Esaki ta locual cu e world economic forum ta propaganda. Un otro plan diabolico y comunista. Punto 11 ciudad y cominidad sostenibel. Kiermeen cu gobierno lo dicidi tur cos pa bo. Lo bo no tin libertad. Punto 12 produccion y consumo responsabel. Gobierno lo dicidi con hopi y kico lo bo por come. Carni sintetico y frutanan sin simiya paso lo bo no por planta nada mas. Punto 13 cambio climatico. Caba cu tur refineria. Tur auto mester ta electronico. Pa porduci un bacteria pa auto bo mester di 250 kilo di materia. E prijs di un bateria ta 30 mil dollar y no ta reciclabel loke ta mas malo pa medio ambiente. Mayoria hende lo no ta bay tin auto mas. Punto 14 bida marina. Otro pretexto cu bo no por come pisca mas paso nan ta den extencion y mester cuida e biba bow di awa.
Punto 15 ecosystema terrestre. Esaki ta e boskenan. Hulanda mes no ta tene cuenta cu boske paso nan a caba cu masha hopi mata y kier blame otro pais. Otro engaño mas. Punto 16 ta paz, husticia y institucionnan. Esaki ta paz ficticio y una bez cu corrumpi e institucion di husticia pueblo lo perde su derechonan. Esaki ta locual cu a pasa den paisnan comunista. Paz no lo existi si ta bay contra leynan di Dios. Punto 17 aliansa pa logra e metanan. Final di libertad y introduccion di gobierno mundial.
Un berdadero Cristian bo ta conoce pa su frutanan. Agenda 2030 ta bin pa horta, mata y destrui. No solamente caba cu e famia institui pa Dios sino kier baha e poblacion mundial. Un bon Cristian nunca por ta di acuerdo cu agenda aki y contra leynan di Dios. Parlamentarionan cu ta defende gobierno y interes di pueblo no ta conta. E casonan di ibis y aveztruz ta dilanti huez caba locual mester hasi ta bin cu investigacion pa e casonan di fase y loonsubidie, Eagle LNG cu no conoce e contenido di e contract, molina di biento, tourism enhancement fund, crisis team y Arubahuis. Un parlamentario cu principio lo pidi pa investigacion y no ta vota pa sconde cosnan cu ta contra ley. Partido Curpa ta e unico partido cu ta para pa leynan di Dios y ta para pa e famia cu Dios a crea. Nos lucha pa crea un fundeshi solido pa bienestar di nos Aruba.