Mirando e situacion cu a pasa na Baby Beach no ta algo fuera di lo comun,un ciudadano por vocifera y mustra nan malcontento si ta rabia pa un situacion cu nan no ta contento cu ne, pero loke cu ta un realidad ta cu nos no mester hunga cu e webo cu ta pone oro, cual ta e turistanan cu ta bin Aruba. Mes un cos cu e ciudadano ta mustra loke nan no ta gusta, di oro banda nan tambe tin e derecho di no ta wordo molestia y of agredi principalmente na momento cu ta trata den luga nan publico.
Minister di Husticia ta duna di conoce pa e motibo aki mes polis t’ey y pa keda mantene orden publico. Manera nos tur sa turismo ta Aruba su unico pilar economico y pa e motibo aki mes ta inverti hopi pa salvaguardia esaki unda cu tin diferente proyectonan cu ta keda ehecuta manera e proyecto di camara, extra vigilancia, Tourism Security Patrol, strandpolitie,unidad policial cu ta vigila y patruya e partinan turistico. Segun Minister di Husticia ta depende di cada situacion.
Sinembargo na momento cu un persona ta sinti su mes ataca y agredi y molestia semper e por yega na polis unda cu lo intermedia pa atende cu e caso specifico.
Minister di husticia Rocco Tjon ta na altura di e grupo chikito cu ta activista cu ta conoci, pero e realidad ta cu si nan kier logra nan meta nan mester haci esaki na un manera responsabel y drenta den dialogo. E portanan di ministerio di husticia ta habri , pero tambe ta kere cu e portanan di ministerio di turismo tambe ta habri pa scucha y atende specificamente riba e topico aki.
Loke cu ta un realidad ta cu e incidente cu a pasa casi nunca e sa sosode, pero awor aki cada bes cu e la sosode contra di nos turistanan, pero tambe ora cu tin actividadnan ceremonial semper ta e mes un grupo di activista ta haci esaki. Minister di Husticia ta kere cu ta importante pa sinta na mesa y dialoga y nan tambe por scucha e intencion di gabinete Wever Croes y scucha pero tambe compronde kico tur a keda haci caba den e tereno aki unda cu a baha e cantidad di cambernan y asina hunto por dialoga y pa nan tambe tin un bista di tur loke cu ta pasando pa asina di e forma aki tambe Sali for di e impasse aki, pero na un forma cu ambos banda ta compronde otro na bienestar di Aruba.