E barku di Marina Hulandes Zr.Ms. Groningen pa di kuater biaha a interseptá den un tempu kòrtiku un transporte di droga. Den Laman Karibe e barku patruyero a sabi di pone ku un boto di droga ‘go fast’ mester a stòp, esaki tabatin na bordo 4 pasahero. E barku a interseptá den esaki mas ku 3000 kilo di kokaina. E kaptura tabata riba 31 di mei, pero a keda anunsiá awe.
Den mardugá di djaweps 30 pa bai djabièrnè 31 di mei, e avion patruyero Dash-8 i Wardakosta Region Karibe a kapta un boto di droga go-fast den Laman Karibe serka di islanan ABC. Zr.Ms. Groningen na e momentunan ei ya kaba tabata den serkania i a drenta akshon mes ora. E barku di Marina a kuminsá pèrsiguí ku yudansa di su dos navenan di intersepshon rápido FRISC. Riba e navenan di intersepshon aki tabatin ‘Fleet Marine Squadron’ i Wardakosta Merikano. Despues di un persiguishon, sostené pa e Dash-8, e avion patruyero, tabata posibel pa interseptá e boto di droga aki. E kuater kontrabandistanan ademas di e 3000 kilo di kokaina ku a keda konfiská, a ser pasa pa Wardakosta Merikano.
Mas droga konfiská
Durante e akshon anti-droga di Zr.Ms. Groningen di 4 di yüni último, e barku patruyero den koperashon ku e nave di sosten Zr.Ms Pelikaan tambe a konfiská droga. E barkunan di Marina huntu a saka tantu paketenan di mariwana komo paketenan di kokaina for di laman. Tambe e droganan aki a keda konfiská i pasá pa Wardakosta Merikano. E droga a keda destruí.
Barku Patruyero
Ku e dos intersepshonnan aki e konteo a yega un biaha mas pa Zr.Ms Groningen riba 5 transporte di droga desde su presensia, for di kuminsamentu di aprel 2024, den Region Karibe . E barku entre otro ta keda desplegá pa operashonnan kontra transporte ilísto di droga. Esaki ta sosedé interkambiando den koperashon ku Wardakosta Merikano. I Wardakosta Region Karibe Hulandes.
