Weganan di futboll ta keda un situacion di preocupacion y duda den e organisacion. Por a tuma nota di un wega di RCA &La Fama un biaha mas cu no ta husto. Coach di RCA ta fluit wega di RCA & la Fama y den prome 45 min di wega ta keda sin fluit un penalti bisto, cu a haci un influencia riba e resultado cu a duna RCA e victoria riba la fama.
Un decision sigur cu un Coach na momento cu e mester mira ambos team cu e mes un wowo neutral. Lamentablemente ta esnan cu ta organisa futbol na Aruba ta permiti pa Coachnan di e mes un team fluit wega y esaki nunga lo no por ta un wega husto.
Informacionnan cu a ricibi ta cu no ta prome biaha esaki ta pasa, pero ta esaki ta loke AVB y Head off Refree Sra Monic Ras ta bin hasi henter e campeonato pone refree nan cu ta afilia na team bin fluit wega asina perhudica e futbol, con esaki por ta posibel?.
Loke a pasa den wega di RCA y La Fama no a ser acepta y awa a pasa hariña y hopi dirigente nan di club rabia y ta puntra si Directiva di AVB y su presidente tey dijs pa show y gana placa pa ta den directiva off di berdad tey pa drecha y Yuda futbol den tur su totalidad. Tur team ta rabia y hasta cartanan a ser manda oficialmente cu no ta acepta mas e tipo di situacionnan asina.
Segun e gruponan no por ta posibel cu un persona cu ta afilia na un club ta fluit wega asina importante y riba dje cu tur hende por wak su actuacion en bibo.
Un video cu ta papia pa su mes y niun hende di directiva di AVB tabata presente pa para y hala attencion di e wega inhusto cu ta tumando luga entre RCA y La Fama. AVB no tabata presente debi cu a pone un reunion general e mesun un anochi di un wega di playoff. Con esaki por ta posibel ? di e manera aki nos ta trata e importancia di deporte di futbol na Aruba? Esaki ta mustra cu e organisacion no ta organisa su mes na e miho manera. E speransa nobo di e presidente nobo sr. Lacle tabata cu a primiti e club nan cu nan lo mira cambio, sinembargo te awe nada ni un relato financiero nan no a presenta y tampoco nan plan di vision cu nan lo bay drecha futbol.
Clubnan a vocifera cu nan a vota pa un cambio , pero nan no ta mira un cambio den AVB y nan ta arepenti di a vota pa esun cu a dunanan speransa cu situacion lo cambia na AVB.
Un aña caba ta bay pasa unda cu presidente Lacle no a haci ningun cambio tur cos ta mescos, stadion su veld ta den mal estado, comision di refree ta haci y deshaci y niun team ni hungado no tin niun caminda pa protesta contra e mal arbitrahe cu tin aki na Aruba.
Banda di tur esaki e unico refree di fifa ta hunga futbol den un club activo den division uno y ta bezig ta hunga mocion degradacion esie, esaki ta e tristo berdad di e futbol Arubano.
Lamentablemente den e wega ultimo di RCA & La Fama a refleha e tristo berdad di henter e directiva di AVB sin vision sin mision sin un futuro pa mehora Futbol aki na Aruba. Clubnan na Aruba rabia y disgusta.