Universidad di Aruba (UA) a yama mas di 265 studiante nobo
bonbini na su campus riba dianan 21 y 22 di augustus 2024. Cu enfoke riba ‘Celebra logro y
Crea conexionnan duradero’, Universidad tin como meta ofrece un ambiente calido y
solidario pa e studiantenan nobo.
Segun cu e instituto ta transformando den un centro di conocemento lider, UA ta reconoce
cu construccion pa engrandece e studiante su experenca general ta den proceso ainda.
Universidad ta pidi e studiantenan amablemente pa tene poco pasenshi mientras e ta
trahando diligentemente pa mehora su facilidad- y servicionan, incluso opcion pa
transportacion.
Pa fomenta un sentido fuerte di comunidad, UA lo expone su logronan riba su plataforma di
medionan social, invitando studiantenan pa conecta riba Linkedin, Facebook, y Instagram.
E speransa ta pa inspira y involucra e studiante nobo door di comparti Universidad su
logronan
Na nomber di su hunta y staf UA ta extende un caluroso bonbini na tur studiante cu ta bay
drenta universidad. Universidad ta curasha tur studiante pa ta curioso y participa na e bida
di campus y purba haci un impacto positivo.
‘Nos ta kere cu door di traha hunto, nos ta crea un comunidad di Universidad prospero na
unda studiantenan ta logra alcansa nan potencial! ‘Nos ta ansioso pa sostene nos
studiantenan riba nan biahe educacional y pa yuda nan logra nan metanan.
UA ta invita comunidad di Aruba pa compaña nos durante celebracion di e logronan di su
studiantenan y staff mientras universidad ta sigui crece y evoluciona.
