Tyson Lopez :Hopi persona a cuminsa explora y descubri e importancia di naturalesa

Tyson Lopez di Parke Nacional Arikok ta duna di conoce cu e jaarpas ta pa duna e person acceso pa drenta parke nacional arikok. Hopi hende a cuminsa explora y descubri e importancia di naturalesa unda cu ta relaha den naturalesa y tambe conecta cu naturalesa. E pas cu ta keda ofreci ta hopi mas facil y no tin e molester pa cumpra un banchi cada biaha, pero cu e jaarpas bo tin acceso pa un aña largo y por drenta na e momento desea cu parke Nacional Arikok ta habri.
E prijsnan ta varia y tin diferente categoria unda cu tin local nan, turista, clubnan deportivo y pa companianan cu ta desea di anima nan trahadonan tambe tin un prijs hopi atractivo. Loke cu ta haci e jaarpas hopi mas atractivo e persona cu paga pe por kies e diseño cu mas e ta gusta y ta keda cla den 5 minuut. Esaki ta pa e persona sinti su mes mas na cas y cu naturalesa y nan carchi. Tur anja e diseñonan ta keda cambia.
Tur e actividadnan cu tin den parke e jaarpas ta dunabo e entrada pa disfruta, porehempel por bishita e cuebanan, dos playa, conchi , daymari ect ect. Segun Tyson Lopez di Parke Nacional Arikok e COVID pa hopi kisas no tabata positivo, pero pa parke Nacional Arikok e tabata hopi positivo mirando cu hopi mas hende a bin bishita e parke. Esaki a keda ilustra tambe cu for di 2019 cu e jaarpas a keda introduci solamente 300 hende tabata haci uzo di dje , pero cu e pandemia na 2020 e la bira 600 persona y awor aki den 2021 a cera mas cu mil hende cu ta haci uzo di e parke uzando e jaarpas.