Expertonan lo ilustra impacto di cambio di clima pa bida riba islanan Universidad di Aruba y Universidad di Prince Edward Island conhuntamente lo tene e di dos conferencia internacional riba Estado Chikito di Isla y Huridicionnan di Isla Subnacional- Turning the tide: Climate Change, Social Change and Islandness ( Cambio di marea: Cambio di Clima, Cambio Social y Islandidad).
E conferencia di tres dia, October 23 pa 26 ta un evento sumamente interesante, cu ta inclui presentacion di varios di orado y experto mundialmente renombra lo tuma luga na Universidad di Aruba. E ta un oportunidad unico pa familiarisa cu e visionnan scientifico mas recien y discusionnan riba cambio di clima y cambionan social den contexto di isla y pa por interactua personalmente cu e investigadonan.
Islanan ta na e prome liña di cambio di clima. Cu nan proximidad cerca di oceanonan, nan ta e promenan pa experiencia perdida di superficie pa motibo di aumento di nivel di lama y erosion. E efectonan di eventonan climatico extremo y cambio den stacionnan di tempo, ademas di aumento di temperatura tanto riba tera como di lama ta impacta bida y hopi biaha ta catastrofico. Pero kico di e cambio social riba islanan, pa motibo di cambio di clima? Con efectonan di cambio di clima ta impacta e islandidad, esta e forma con e isla ta funcciona? E conferencia interdisciplinario aki ta propone pa explora e tema di cambio di clima y cambio social riba islanan pa medio di presentacionnan di oradonan di Caribe, di e continente Americano, Europa y region Pacifico.
E conferencia lo ta parti den diferente sesion paralelo, sesionnan interactivo y debate. E partinan mas yamativo di e programa ta presentacion di cuater orado renombra, cu ta na e timon di investigacionnan riba cambio di clima y cambio social den contexto di isla. E conferencia lo conta cu orado principal, cu tur lo papia riba e area di nan experticio, esta:
Dr. Stacey Mac Donald – riba Accion di Conservacion den Hulanda Caribense Natasha Silva y Sietske van der Wal – Biodiversidad di Aruba y e retonan di Conservacion di Naturalesa den Contexto di Isla Chikito.
Charissa Granger y Francio Guadeloupe – Human-ing Out Loud: Ontologia di e desordo den un pensamento transcaribeño ehemplifica musicalmente Vishal Prasad – E hornada pa e Corte di Husticia Internacional: hiba Cambio di Clima na e corte mas halto di mundo.
Por haya mas informacion riba e oradonan principal riba e link https://projects.upei.ca/unescochair/conferences-events/turning-the-tide/keynote-speakers/ No perde e oportunidad increibel pa siña di e expertonan local y internacional respeta y conecta cu otro profesional riba e tereno aki. Tur informacion, incluso e programa detaya ta riba e link https://projects.upei.ca/unescochair/conferences-events/turning-the-tide/.
Registracion pa e evento ta posibel pa henter e conferencia, pero tambe a base diario. Den caso cu no por atende e conferencia den persona na Universidad di Aruba, tin un posibilidad pa registra pa participacion digital. Por registra via https://www.eventbrite.ca/e/turning-the-tide-climate-change- social-change-and-islandness-tickets-642100097677.
