Pa Boneiro e idioma papiamento ta hopi importante y lo keda duna enfasis riba e parti aki. Presidente di fundacion academia papiamento Elsmarie Beukenboom ta duna di conoce cu e decision a cay cu Boneiro lo bira un pais multilingual. Sinembargo e idioma matrix ta papiamento tur persona cu yega Boneiro mester siña papiamento, sea cu nan ta papia e papiamento bon of nan ta papie machica , pero tur hende for di cua pais e ta bin pa biba na Boneiro mester papia papiamento.
Papiamento ta e idioma cu lo mara tur e idiomanan hunto na Boneiro. Kico ta bay ta e idioma di instruccion ta keda den man di cada scol di kico ta bay ta e tarea materia cu nan ta trahando cu ne na e momento ey.
Segun Presidente di fundacion academia papiamento Elsmarie Beukenboom un punto cu ta hopi importante ta cu e scolnan tambe por dicidi mirando cu e scolnan na Boneiro ta cay bou di e ministerio di Hulanda y e scolnan ta autonomo den nan decisionnan, den nan maneho.
Sinembargo e deseo di fundacion academia papiamento ta pa e scolnan sigui cu e maneho di gobierno di Boneiro. Mester bisa si cu ya caba scolnan primario y scolnan secundario tur dos ya caba a cuminsa cu multilingualismo na nan scolnan.
Gobierno di Boneiro tabata bon cla cu su decisionnan unda cu e deseo ta di kier un isla riba cual ta papia 4 idioma. E mes un decision aki tambe lo trece responsabilidad pa e mes un gobierno tambe. Porehempel tur edificio mester haya nomber den 4 idioma y asina por keda menciona cu e retonan ta grandi.
Tambe un di e puntonan cu fundacion academia papiamento ta boga pe y cu tambe a sali hopi cla den e encuestanan riba esunnan cu ta traha den bario pa Maria Daal cu ta traha cu hende grandi cu nan ta perde asina tanto tempo cu nan no ta haci e cuido manera mester ta, cu instancianan ta dies pusha un papel den man di e adulto mayor y e ta skirbi na Hulandes. E persona cu ta duna e cuido cu a bin na e sitio pa bin yuda y haci sea e persona limpi of atende cu ne ta haye ta sinta traduci pa e persona mayor. Segun Presidente di fundacion academia papiamento Elsmarie Beukenboom tur e partinan aki mester bay cambia debi cu tur e instancianan aki mester bay duna nan informacion na 4 idioma.
Banda di tur cos e idioma papiamento ta e idioma mas papia na Boneiro. Si e hende no ta di idioma materno papiamento e mester cuminsa cu e proceso pa siña papiamento. E poblacion di dominicano ta hopi grandi na Boneiro y si mester mira tur di nan ta papia papiamento , tambe esunnan di Peru.
Aunke tin un grupo chikito cu no a adapta nan mes debi cu nan no tin e cabes pa idioma, esaki ta e Mericanonan, den nan cabes nan a siña un idioma y pa nan no tin mas idioma, aunke leu a leu ta mira cu tin e generacion nobo di Mericano si ta cuminsa papia papiamento. Pa loke ta trata e Hulandesnan nan tur kier siña e idioma y nan tur ta mustra e interes pa siña e idioma papiamento maske ta esun basico. Aki ta mira cu nan ta haci nan esfuerso pa nan ta parti di e comunidad Boneriano su cultura y idioma.
Pa bo por haya un paspoort Papiamento ta un exigencia pa por pasa e testnan di inburgering e persona mester por papia, lesa y skirbi papiamento. A dura Boneiro 13 aña pa papiamento a keda reconoci , esun cu keda insisti lo logra y keda bini cu bon puntonan di motivacion dicon e idioma mester keda reconoci , bin cu argumento cientifico unda a contracta e trio cu a haci e investigacion cu ta un investigacion cientifico di calidad halto y tipo di movecionnan asina a convence den Haag cu e papiamento ta bale la pena y e papiamento mester por keda e idioma matrix na Boneiro