Prome minister Evelyn Wever Croes despues den conferencia di prensa ta duna di conoce cu e caso di Hans Geerman ta un asunto di Partido POR. Hans Geerman a keda tuma den servicio pa ex minister Otmar Oduber y a continua bao di Ex minister Marisol Tromp despues cu Ex Minister Otmar Oduber a bira malo y a bay como minister. Hans Geerman a pasa pa e dos ex mandatarionan aki na momento cu nan tabata fungi e trabao como minister.
Sinembargo Prome Minister Evelyn Wever Croes a declara cu tur hende cu ta traha na su ministerio sea cu a tuma over of no tur ta traha of a traha, Prome minister ta sigura cu no tin ningun persona den su ministerio cu no ta traha.
Sinembargo na momento cu a tuma e ministerio over for di Ex minister Marisol Tromp , un di e prome ministernan di Aruba cu a ser baha pa su propio partido y gobierno y na unda cu e tabatin un cantidad di conflicto cu parlamento y tambe gobierno.
Den e periodo aki a yama ex minister Marisol Tromp den tres ocasion pa papia y cu su actitud ta ignora unda cu despues e ambiente a cambia y no por a traha cu ne mas y a bay over na kite for di trabao.
Na momento cu ex Minister Marisol Tromp a ser kita for di trabao, prome minister a tuma parti di e ministerio over y tur hende cu a keda cu prome minister Evelyn Wever Croes a traha. Sinembargo no ta tur a bin traha den e ministerio di prome minister, algun tambe mester a bay cas, pero tur cu a keda a traha, segun prome minister Evelyn Wever Croes.
Sr Hans Geerman a traha pa prome minister den comision di inclusion y tabata un persona hopi dedica riba e tereno aki y cu a logra cosnan hopi importante. Prome minister Evelyn Wever Croes ta duna di conoce cu esunnan concerni cu por papia mas di e parti aki ta ex minister Otmar Oduber cu ya caba a trece su punto padilanti, pero tambe ex minister Marisol Tromp dicon su persona tabatin e ambtenaarnan riba su payroll unda cu no a pidinan pa bay traha y no a haci nada riba e situacion tampoco.
Prome Minister Evelyn Wever Croes tabata bon cla cu tur hende cu ta bao di payroll di su ministerio ta traha y esnan cu a bin for di bao di maneho di Marisol Tromp despues cu a bahe como minister tambe ta traha, den ministerio di Prome minister Evelyn Wever Croes no tin spookambtenaar, pero tur ta traha, asina prome minister Evelyn Wever Croes a declara den conferencia di prensa.
