Un recordatorio na tur hende!!!!
Ta para scirbi cu esnan cu ta duda y no ta pidi cu fe , lo no ricibi nada di Dios, pasobra nan curason ta
dobbel, y no ta kere den e poder di Dios.( Santiago 1:6-8).
Mescos esnan cu ta haci bofon tampoco lo ricibi algo di Dios, pasobra locual un hende sembra esey lo
cosecha. (Galationan 6:7-8).
Caminda tin kehamento constant y murmuracion, tin secura pasobra kehamento y murmuracion no ta
agrada Dios, Eynan hende lo ricibi furia di Dios enbes di bendicion. ( Numbernan 14:26-29)
Tambe e palabra di Dios ta bolbe recorda nos e importancia di tin Cristo como Señor y Salbador den
nos bida, pa nos tin Cristo na prome lugar bisando den Juan 3:36: Esun cu kere den e Yiu tin bida
eterno,ma esun cu no obedece e Yiu no tin bida, ma e furia di Dios ta keda riba dje.
Hesus a bisa den Mateo 6:33 Ma busca e reino di Dios y Su husticia, y tur e cosnan ey lo wordo añadi
na boso.
Den Jeremias 32:27 ta para scirbi: Mira Ami ta Señor , e Dios riba tur carni, acaso tin algo cu ta
mucho dificil pa Mi?
Jeremias 32:17 ta splika nos: Ay Señor Dios, Mira, ta Abo a traha e cielo y tera pa medio di bo gran
poder, y pa medio di Bo brasa extendi, Nada ta mucho dificil pa bo.
Den Marco 9;23, Hesus a bise: “ Si Bo por! Tur cos ta posibel pa esun cu ta kere.
Marco 10:27 ta para scirbi ; Hesus a wak nan y a bisa: Serca hende esaki ta imposibel, ma no serca
Dios,pasobra tur cos ta posibel serca Dios.
Ora nos pidi algo den boluntad di Dios , Dios ta constesta nos oracion pasobra den Juan 14:13-14, ta
para scirbi: Y tur loke boso pidi den mi nomber, esey lo mi haci, pa e Tata wordo glorifica den e Yiu,
si boso pidi algo den mi nomber lo Mi hacie.
Boso ta cudisha e boso no tin, pesey boso ta mata, y boso ta envidia y no por haña, pesey boso ta
bringa y pleita. Boso no tin pasobra boso no ta pidi. Boso ta pidi y no ta ricibi,pasobra boso ta pidi cu
motibo robes, pa boso gaste den boso placernan.( Santiago 4:2-3).
Mateo 7:7-8 ta para scirbi: Pidi y lo wordo duna na boso,busca y boso lo haña,bati y lo habri pa boso.
Pasobra ken cu pidi ta ricibi,y esun cu busca ta haña, y pa esun cu bati lo wordo habri.
Mientras cu nos bista ta fiha riba Dios, y nos confiansa ta totalmente den Señor no tin nada cu lo ta
imposibel pa nos, tur plan, tur nos deseo mester ta alinea cu Dios su Boluntad.
Den Job 42: 1 Job ta expresa: Mi sa cu Bo por haci tur cos, y cu ningun di bo propositonan no por
wordo stroba.
Awor mas cu nunca den e tempo trabahoso aki, nos mester kere y pone tur locual cu nos ta haci den
man poderoso di Dios.No desmaya, pero para firme, pasobra esun cu kere lo mira e Gloria di Dios.
Ciencia, Technologia, Malicia, Inmoralidad, Bruheria ta aumenta, y hopi ta esnan cu ta cay den e
trampa maligno di diabel, pero nos no por laga ningun duda drenta den nos curason, sabiendo cu nos
Dios ta Todopoderoso, Omniciente, y Omnipotente.
Ora nos kere den Dios, nada por stroba Su Bendicion pa nos bida, Dios ta Salba, Sana y Libera, Dios
ta guia nos.
Sinceramente, Pastor Marcel Balootje.