ORANJESTAD,Aruba
Salud di nos pashentnan y empleadonan ta importante pa ImSan. En conexion cu e
pandemia di Covid-19 ta necesario pa ImSan tuma algun medidanan pa cuida salud
di nos pashent y empleadonan. Entrante 6 di juli 2020 e siguiente procedura ta
drenta na vigor.
Procedura pa e pashent en conexion cu e pandemia di COVID-19
• E pashent lo haya un cita di tal forma cu ta evita aglomeracion y cu por tin
distancia social den sala di espera na momento cu e pashent yega ImSan.
• Pashent y bishitante mester uza ABHR (alcohol-based hand rub) na momento
cu drenta ImSan.
• Tur pashent mester bin cu nan mesun mondkapje (mask). Pashent y
bishitante mester uza mondkapje pa cubri nanishi y boca durante bishita. (si
ta necesario lo duna pashent instruccion con pa bisti esaki).
• Mantene distancia social di por lo menos 1.5 meter.
• Pashent mester meld na e recepcionista (hostess) 5 minuut prome cu su cita.
• Famia y bishitante ta prohibi pa drenta si e pashent no tin mester di asistencia
of no ta un menor di edad.
• Pashentnan por identifica nan mes mustrando nan carchi di AZV of un
identificacion valido na e recepcionista.
• Pashent lo wordo gescreen pa controla si e tin keintura of tin sintomanan di
Covid-19 na momento di yega e instituto medico of na e departamento di
cuido.
• Pashent no mester uza handschoen den ImSan. Handschoen no ta un
substituto pa laba man.
ImSan kier recorda y enfatisa tur hende pa tene nan mes na e reglanan basico.
• Laba man frecuentemente cu habon y awa y uza ABHR (alcohol-based hand
rub). Uza ABHR pa haci bo man limpi ora bo sali. Laba man inmediatamente
ora yega cas.
• Nister y tosa den elleboog of papel. Tira e papel den prullenbak mes ora.
• Evita di mishi cu wowo, nanishi y boca.
• Keda cas si bo ta sinti malo y tuma contacto cu bo dokter di cas.
Tur hende mester ta consciente y uni pa preveni y evita di plama e virus di Covid-19.
Nos ta logra esaki si nos mantene nos mes na e reglanan di e normal nobo na tur
momento y na tur caminda. Ta sumamente necesario pa cada un di nos aplica e
medidanan di prevencion y sea consciente di e risico pa cu nos salud y esun di nos
famia y prohimo.
