Huesnan cu ta forma parti di Tribunal Supremo di Husticia di Venezuelo, mester a huy di nan pais. Esaki pasobra bou guia di Nicolas Maduro, como presidente di Venezuela, nan no por a impone husticia di un forma imparcial.
E funcionarionan mester a busca refugio den exterior, pero a sigui atende casonan cu ta yega cerca nan., Asina awe nan a anuncia un condena cu a caba di yega na dje pa e presidente di Venezuela. Fiscal General di Venezuela ta esun cu a anuncia e sentencia aki.
El a bisa cu a haci husticia pa e poblacion Venezolano. E ta un husticia pa e pais, segun fiscal general, den exilio, Luisa Ortega. Esaki ta apenas e prome sentencia, segun e fiscal, pasobra tin hopi mas caso pa otro delitonan cometi. Lo bay sigui investiga y tuma accion. Asina tin crimen contra humanidad, derecho humano, genocidio. Pa esakinan tuma, e fiscal a bisa, mester tin husticia.
El a haya un castigo di 18 aña y tres luna. A haci apelacion na organisacionnan internacional pa tene na cuenta cu Maduro no ta e presidente di Venezuela mas.
Diamars, riba peticion di Merca, Conseho Permanente di Organizacion di Estadonan Americano (OEA) lo tuma luga un reunion yama pa su miembronan pa debati un proyecto cu ta pidi pa condena e represion ilegal ehecuta door di Nicolas Maduro y exigi e regimen populista pa publica resultadonan di e eleccion presidencia di dia 28 di juli ultimo.
Casi dos siman pasa un intento similar a fraacasa door di e posicion tuma door di Brasi, Mexico, Colombia y algun pais di Caribe aliado cu China, Rusia y e dictadura di Venezuela.
E reunion di diamars ta uno informal pero porta cera y si yega na un acuerdo diplomatico, lo aproba prome cu diabierna un sesion di emergencia di OEA.
Algun dia atras Lula da Silva, Gustavo Petro y Andres Manuel Lopez Obrador (AMLO) a cuminsa negociacion reserva cu Maduro pa logra cu e regimen populista acepta pa mustra e actanan di eleccion cu Edmundo Gonzalez Urrutia y Maria Corina Machado a gana.
Brasil, Colombia y Mexico hunto cu algun pais di Caribe a blokia un resolucion cu ta condena e dictadura Venezolano pa e fraude cometi den e eleccionnan di dia 28 di juli.
Door di e fracaso ey, Merca a cuminsa un negociacion politico nobo pa logra finalmente e mayoria necesario pa permiti aproba un condena na e regimen populista cu ta nenga e triunfo di Gonzalez y ta reprimi opositornan politico cu ta enfrenta e Gobierno Chavista.
Cas Blanco apoya pa Argentina, Canadá, Chile y Paraguay, entre otro, lo a logra 17 voto en contra di 11 abstencion y 5 pais ausente. Awo no tin duda den e posicion dictatorial di Maduro y ta spera cu pa e reunion di diamars lo haya 20 voto cu ta permiti kibra e resistencia di Brasil, Colombia y Mexico.
Asina a keda declara na NTI24
