Korte Komun di Hustisia di Aruba, Kòrsou i Sint Maarten i di Boneiru, Sint Eustatius i Saba huntu ku Ministerio Públiko BES a organisá un konkurso pa pleita den korte. Hóbennan di bófenbou, di klasnan tres, kuater, sinku di Saba Comprehensive School a wòrdu invitá pa bin na ofisina prinsipal di RCN ku ta keda na The Bottom, kaminda nan a haña un presentashon di e presidente di Korte Komun di Hustisia, señor Mauritsz de Kort, fiskal mayor, señor Walter Kupers i e hues komisario lokal suplente, señor Gerald Simmons-de Jong. Durante di e presentashon e kabayeronan a kompartí ku e hóbennan i nan mayornan kon un dia promedio ta pa un hues, fiskal i abogado i tambe e rason ku nan a skohe pa un karera den abogasia.
“Traha pa Ministerio Públiko ta nifiká traha pa hustisia pa komunidat. Nos ta hasi esei dor di sòru pa òrdu keda mantené. Nos ta duna guia riba investigashon di echonan kastigabel y persiguí hendenan ku ta kibra ku regla. Nos ta hasi esaki na fabor di seguridat i libertat di tur hende. P’esei traha na Ministerio Públiko (OM) ta variá, emoshonante i importante pero mas ku esaki, sosialmente relevante”, según fiskal mayó Walter Kupers.
Spesialmente p’e islanan mas chikitu i ku ta keda mas alehá manera Saba i Sint Eustatius ta importante pa e poder hudisial i Ministerio Públiko sigui mehorá nan presensia i disponibilidat aktivamente. Akseso na lei ta importante pa komunidat. Un di e metanan di e dia aki ta pa hasi e hóbennan mas entusiasmá pa un estudio òf karera hurídiko. Siman pasá tur e dos organisashon tabata presente na Hulanda na e Dia di karera nashonal (Nationale carrière dag). Intenshon di e dia na Saba ta parti di un inisiativa pa konsientisá i reklutá. Tantu OM komo poder hudisial ta para abri pa wak si tin posibilidat p’e hóbennan di e islanan por hasi un stazje. Durante di e stazje e studiantenan por sera konosí mihó ku e organisashon anto wak si un karera hurídiko ta algu pa nan.
E studiantenan a wòrdu parti den kuater grupo. E kaso penal ku nan a haña ta trata di un bringamentu entre tres amigu na Saba ku a resultá den un intento di asesinato. Di grupo tres tabatatin e siguiente studiantenan: Cianda i Kendra Gomez, Laryan del Carmen Carrion, Espermal Hassell, Benjamin Hermans, Sergio Hughes, Stefan Johnson, Zenaida Matthew, Lex Plijter, Rashijden Riley, Kerry-Ann Simmons, Preston TenHolt, Noah Zagers i Sheldon Blair. Di grupo kuater tabatin presente: Thejhonae Campbell, Bea Durand, Trevon Johnson, Keon Peterson. I di grupo sinku e siguiente studiantenan tabata presente: Kadesha Daniel, Lorena Hassell, Elizabeth Henry, Theoni Wrigley i Mario Zaegors. E promé grupo a haña komo tarea pa trese e akusashon dilanti e huesnan. E di dos grupo tabata enkargá pa hasi e defensa di e promé sospechoso. E di tres grupo tabata enkargá di hasi e defensa di e di dos sospechoso. E di kuater i lastu grupo ta tin e tarea pa evaluá i disidí ken a gana.
E diferente ekiponan a wòrdu apoyá dor di Maurtisz, Walter i Gerald, i dosentenan señora Martie i señora Veronica. Despues di e kaso, Gerald a entrega kada studiante un sertifikado di partisipashon di Tribunal di simulashon (Moot Court), firmá dor di e presidente di Korte Komun di Hustisia i e fiskal mayor.
Señora Jessica Besselink, direktora di Saba Comprehensive School a gradesí e diferente organisashonnan di Kòrsou i Bonaire pa e tremendo oportunidat ku nan a duna e studiantenan di Saba. “E evento aki ta wòrdu apresiá enormemente i nos ta sinti nos honra ku nos a wòrdu konsiderá pa un programa asina.”
“Korte Komun di Hustisia ta sirbi tur seis islanan, pero solamente na kuater isla tin un establesimentu. Esei ta nifiká ku ta importante pa mehorá nos presensia riba e islanan Saba i Sint Eustatius i duna e habitantenan di Saba i Statia mihó akseso na poder hudisial. Netamente p’esei mi a a hasi uso di e dia speshal aki na Saba pa durante di mi enkuentro ku gezaghèber Johnson i sekretario di Estado di Ministerio di Asuntunan Interno i Relashonnan den Reino, señora Alexandra van Huffelen, pa anunsiá ku riba término kòrtiku nos lo abri un establesimentu di Korte Komun di Hustisia na Saba,” segun Maurtisz de Kort.
