Con nos kier drecha un sistema si e ser humano su integridad ta putri, esaki ta loke Aruba ta confrontando pa añanan largo y ainda ta sosodiendo?. Integridad ta un palabra cu e ser humano mester cumpli cu ne. Manera prome minister Evelyn Wever Croes ta bisa na varios ocasion integridad ta algo cu mester pasa hasta caminda cu ningun hende no ta mira bo. Esaki ta sosode realmente ?
Infrastructura un cartera cu hopi poder, un cartera cu por uze cu sinceridad , malicia y hasta probecho propio, pero kende realmente ta haci e actonan aki?, e sistema? of e HENDE cu tin cu atende cu e sistema? No ta for di awo pero hopi ta ser pidi pa cambionan y nos tur kier un miho Aruba, pero nos ta birando un miho hende pa tin un miho Aruba ?. Den pasado hopi casonan incorecto ta pasando den e departamento popular aki DIP, berdaderamente esakinan a cambia of operacionnan ainda ta pasando tras di cortina cu ser humanonan cu ta baypass e sistema cu nan mes ta yama corupto cu no ta bon y cu supuestamente kier drecha, pero nan mes ta uza e mes un toolsnan.
Nos ta canando den un caminda hopi incorecto pa e hustonan cu ta cana e caminda corecto y ta nan tin un caminda di castigo pa cana y busca husticia den corte y ta gana tambe y Aruba lo mester paga miyones pa capricho di e ser humano putri trahando den un sistema cu nan mes ta culpa cu ta putri cu nan mes ta haci putri.
Berdad ta aña di eleccion, esaki mester bay ten koste di PAIS Aruba? E ciudadanonan cu mester vota tambe mester cuminsa drecha nan sistema, pero kende ta duna e mes un ciudadano nan aki e poder pa ta putri? E circulo vicioso aki berdaderamente nos ta cabando cu ne pa un miho Aruba of tur cos a keda mes un cos mane prome?
Na momento cu cualkier ciudadano manda carta pa Prome Minister Evelyn Wever Croes na su oficina, e ciudadano ta haya un carta bek di su oficina bisando lo siguiente:
“Hierbij bericht ik u dat uw schrijven is doorgestuurd naar de Directie Infrastructur en Planning
De directeur van de DIP is door mij gemandateerd om alle verzoeken met betrekking tot grondzaken te behandelen.”
Esaki ta sosodiendo REALMENTE ?
Den pasado a tilda hopi y hasta investigacion grandi a sosode den DIP , pero kico realmente a cambia ?
E amor entre MEP y RAIZ a kibra, fuente nan directo a cuminsa kima pan di otro den bestuurskantoor y ta confirma cu asunto nan di tereno ta wordo gehandel directamente na bestuurskantoor cu e hefe di comercial cu ta trata ciudadanonan di Aruba di e manera si e ta gusta nan of no ta gusta nan y abase di esey su decisionnan si e ta traha si of no of si e ta perhudica e ciudadano, tipo di elementonan asina como ambtenaar merece ta un ambtenaar ? y duna servicio na LandAruba? Ta e minister mester bay of ta e ambtenaar mester bay for di un puesto cu e ta trata cu emocion y sclavitud moderno sea si bo ta preto of blanco bo ta haya bo derecho.
Sra. Kock cu su paralegal assisente senora Chiquito cu porsierto a firma den “no time” a la Mafia Marisol un verzoek pa un compania na Aruba unda su casa ta hefe. A traha y a firma esaki den one time. Tipo di ambtenaar nan asina ta confiabel den un departamento y organo asina importante cu ta drey economia di Aruba ?. EAnews den un otro capitulo lo bay dedica estrechamente riba con e proceso dudoso aki a sosode mirando cu documento nan a yega na nos redaccion den postbus y lo bay den mas detaye e siman nos dilanti.
Sinembargo e pensamento di manteca di poder cu no ta nan poder ta crea ambtenaar nan di mala fe door di supuesto poder cu nan ta kere cu nan tin riba ciudadanonan humilde. Ta husto pa tipo di ambtenaar nan asina aki keda traha y den posicionnan di poder unda ta perhudicando ciudadanonan Arubiano humilde cu kier logra riba nan propio Pais? Sinembargo e nanishi aki ora e subi en ta subi su so, kisas e ta subi cu bendicion di ariba? E ora kico realmente nos ta papia di dje ? integridad ?
E comerciantenan local mayoria ta den corte pero e comerciantenan stranhero ta wordo halsa y hasta ta haya bishita di e mandatario, acaso e placa di e Arubiano bal menos ? Sinembargo situacion actual ta cu nos ta den eleccion y kende ta esunnan cu mester duna e voto ?, un ta e Arubiano ? , Acaso e stranhero por vota ?, pero si ta haya prioridad riba e tera di Aruba sin e Arubiano mes por haya e derecho di su propio tera.
Sinembargo den e siman nan nos dilanti lo bay mira e mandatario busca voto, pero con y cu ki cara lo busca voto si ta bringa e propio Arubianonan y halsa stranhero.
Ta tristo pa mira e desaster aki cu no ta keda solamente na e dos protagonistanan den DIP, pero e ta un triangulo Kock –Chiquito –Wernet. Pero cu bendicion di ken ? ken tin e timon di DIP realmente ?
Ta mustra cu e desaster di DIP no a caba ora mr Croes a bay, e gran pregunta ta keda si berdad mr Croes ta tin rason? Na mes momento awe ainda ta warda sentencia riba e caso di e director cu ta suspendi na cas. Mirando tur loke tin indicacion cu ta pasando, acaso e director Croes tabatin rason y a wordo suspendi inhustamente? Of Acaso lo bay keda hala directornan te na momento haya un director cu ta hunga popenkast igual na pensamento y strategia no integro ? E ora dicon y pakico tin un mandato ? No ta miho pa como minister di infrastructura para responsabel pa su propio decisionnan?
Nos Aruba basicamente Arubianonan no por biba mas aki riba, pa propio Arubianonan putri manera elementonan cu tin den DIP, tin un dicho ta bisa e macaco ta hunga cu su wowo te ora e sake, mañan nos yun no mester yora ora henter e pais aki ta di stranhero y mañan nan kier exigi nan tera cu no ta nan tera, y tampoco no mester yora mañan cu Hulanda tuma un decision y tuma Aruba over y hacie un proventie di Hulanda, esaki ta sosode pa nos mes y tipo di actuacionnan asina cu e ambtenaar studia pero mente di manteca cu ta kere cu debi cu e por tuma un decision e por y ta kere cu e por trapa riba ciudadanonan cu ta cana nan caminda segun ley ta prescribi y cu por cana e caminda legal pa corte tambe.
Tin indicacion cu varios comerciante a cuminsa bay corte pa busca nan derecho, unda cu e ineficiencia di e departamento ta e causa cu hopi comerciante ta ricibi daño, nos economia ta completamente stagna door di ambtenaar nan cu ta BUK pa no ta integro tras di cortina y ta supuesto integro dilanti cortina y exigi pa pueblo ta integro y nan mes no ta integro, pero supuesto integro. Na final ta Aruba ta keda perhudica.
