ORANJESTAD, Aruba
Grupo di 2442 pashent ta wordo traspasa automaticamente pa otro dokter di cas
Entrante 1 di augustus 2020 tur pashent inscribi cerca dokter di cas John Croes ta wordo traspasa automaticamente pa un dokter di cas nobo. Motibo di e traspaso automatico aki ta cu e contracto entre AZV y dokter John Croes a finalisa. AZV ta gradici dokter John Croes pa su cuido cu el a duna tur asegurado di AZV desde inicio di AZV te cu awor.
Criteria pa traspaso automatico
AZV a mantene e criterio di ‘woonadres’ pa asina por haci e traspaso di e pashentnan cerca dokternan di cas cu ta keda den cercania. Pashentnan lo ricibi un carta na cas e siguiente simannan informando nan ken ta nan dokter di cas nobo.
Tambe por yama na 5279900, 5279996 of 5279972 pa haya informacion. Ora di yama, mester duna nomber completo, fecha di nacemento y number di AZV.
Cantidad di pashent y lista
E total di 2442 pashent ta wordo traspasa automaticamente pa un dokter di cas nobo. Den caso cu e pashent no ta di acuerdo cu e traspaso automatico pa e dokter di cas cu AZV ta asigna, e ora e pashent por haci un cambio di dokter di cas di su escogencia den luna di september. Pa cu e cambio den luna di september, AZV ta recomenda pa bishita e dokter di cas prome; pa di un banda conoce e dokter di cas y di otro banda haya sa si nan lo por tuma bo (si tin disponibilidad/si tin luga). Akibou e lista di e region y e respectivo dokter di cas unda e pashentnan ta wordo traspasa:
• Paradera/ Santa Cruz: un grupo di pashent ta bay dokter Peter van Ool
• Paradera/Santa Cruz: un grupo di pashent ta bay pa dokter Kenneth Croes
• Paradera/Santa Cruz: un grupo di pashent ta bay pa dokter Aruna Singh
• Palm Beach/Malmok/Washington/Oranjestad-West: un grupo di pashent ta bay pa dokter Dinant Esschendal
• Palm Beach/Malmok/Washington/Oranjestad-West: un grupo di pashent ta bay pa dokter Gerrit Croes
• Palm Beach/Malmok/Washington/Oranjestad-West: un grupo di pashent ta bay pa dokter Amarantha Dirksz
• Noord/Oranjestad-West: un grupo di pashent ta bay pa dokter Kareem Aljaf
• Oranjestad-Oost: un grupo di pashent ta bay pa dokter Diantha de Cuba
• Oranjestad-Oost: un grupo di pashent ta bay pa dokter Rosa Vogel
• Noord/Tanki Leendert/Moko/Tanki Flip: un grupo di pashent ta bay pa dokter Orlay Gonzalez Diaz
• Noord/Oranjestad-West: un grupo di pashent ta bay pa dokter Jillian Jones