Minister Ursell Arenda tambe tabata presente na Centro Kibrahacha na e Summer Camp. E mandatario ta sumamente contento cu mas di 20 adulto mayor a participa na e summer Camp di centro kibrahacha.
Di e manera aki tambe por bisa cu e adultonan mayor ta keda activo, pa nan mente y curpa. Minister Ursell Arends ta contento di por a haci entrega di e certificadonan unda ta elogia e trabao di centro Kibrahacha cu ta tene nos adultonan mayor activo durante di e periodo di vakantie.
Minister Ursell Arends ta encurasha mas y mas adulto mayor pa participa na actividadnan asina aki cu ta bon pa nan salud mes. Hopi biaha e tipo di actividadnan asina aki ta combati soledad. E adultonan mayor no mester keda nan so na cas, nan tin un centro cu por comparti cu nan y haci diferente actividadnan leuk pa nan mes. Aki tambe por topa otro adultonan mayor di nan edad y asina comparti cu otro.
Di parti di Minister Ursell Arends y ministerio di adulto mayor ta sigui sostene proyectonan asina aki pa asina engrandece y fortifica e proceso cu centro kibrahacha. Minister Ursell Arends ta na altura di e parti cu mas e tipo di centronan asina tin mester unda cu mobilidad ta un punto cardinal cu e adultonan mayor no por yega na e centro pa nan participa na actividadnan cu ta keda duna specialmente pa nan ta activo den comunidad.
Segun Minister Ursell Arends denter di poco lo atende cu e parti aki den forma nacional pa asina por trece un solucion den e parti aki.
Click aki bao like y share
1 comment
[…] Source link […]