ORANJESTAD, Aruba
Trahadornan di Guarda Nos Costa a sali den protesta awe hunto cu diferente sindicato pa mustra nan malcontento cu e maneho y atencion cu e Minister actual di Justicia Andin Bikker ta dunando pa cu e situacion na e edificionan di Guarda Nos Costa. A trese diferente punto dilanti pa cu e tekort na materialnan di limpiesa pero tambe materialnan pa nan mesun seguridad contra e illegalnan cu ta sera. A wordo splica cu pa basta tempo tin un tekort na personal y cu hasta e Director actual Trudy Hassel tambe a vocivera esaki na Minister Bikker varios biaha pero sin ningun resultado. E ultimo dianan ki por a mira kon cada biaha illegalnan ta huy for di e edificionan. Cada biaha cu presonan cu a sinta nan castigo na KIA nan mester wordo transporta pa GNC. Esakinan no ta personanan simplemente illegal pero esakinan ta ex criminalnan. A menciona cu KPA y CEA ta yuda den forma di asistencia na momento cu situacion escala pero no ta tur ora nan por bin yuda. Esaki ta pone cu varios biaha personal di GNC mester traha overtime y esaki tambe tin su efectonan riba salud y ziekmelding. Tur e puntonan aki a ser menciona cu intencion pa purba di ricibi e atencion for di Minister Bikker pa cu e situacion na Guarda Nos Costa.
Trahadornan na Guarda Nos Costa a sali den protesta
