ORANJESTAD,Aruba
Situacion di Serlimar ta hopi tenso ,awe 11 juni 2020 tabatatin un reunion cu mester a tuma luga cu e director Anko Koopmans. Sr Koopman tabata ex trahado di ASTEC, despues e la bira director di DTI y awor e ta asumi e posicion como director di Serlimar. Asina cu Minister Marisol Lopez Tromp a sinta como minister a haci Anko Koopmans director di serlimar.
E reunion cu mester a tuma luga awe , mester a conta cu presencia di e director y e minister encarga Marisol Lopez Tromp. Pero pa sorpresa di tur e trahadornan presente e minister Marisol Lopez Tromp no a presenta na e reunion. Sinembargo loke cu ta un realidad, na momento cu ex minister Otmar Oduber a baha como minister pa su salud a laga un ministeriele beschikking cu no ta bende Serlimar y a confia e actual minister Marisol Lopez Tromp cu su cartera cu no lo bende patrimonio di pueblo y laga un cantidad di hende sin trabao.
Awe e trahadornan ta sinti nan mes insigur bao di e maneho di Minister Marisol Lopez Tromp. Esaki tin di haber tambe cu for di momento cu Minister Marisol Lopez Tromp a tuma over como minister y sr Anko como director, basta cabes di empleado a wordo bula afo perdiendo nan pan den e tempo di crisis aki. E trahadornan cu ainda ta wanta na un liña fini cu nan trabao, ta basta rabia y ta spera cu Minister Marisol Lopez Tromp no cambia e ministeriele beschikking. Minister Marisol Lopez Tromp ta e unico persona cu por bay parlamento y cu por haci e cambio aki cual porsierto pa bende patrimonio di pueblo. Si esaki bira un realidad un cantidad grandi di mama y tatanan lo keda sin trabao.
Trahadornan ta rabia y ta consultando cu nan sindicato SEPPA. Edmundo Marlin ta trata di papia cu e trahadornan riba e situacion aki y kier siguranan cu no por bende Serlimar tanten cu bay parlamento.
E trahadornan di Serlimar tin informacion cu tanto e director y e mandatario lo kier haci un contracto miyonario di 5 anja cu de Veer pa maneha Serlimar. Sinembargo e trahadornan a compronde cu raad van toeziecht di Serlimar a para duro cu e contract miyonario aki no ta posibel pa ortoga sin cu minister haña aprobacion di parlamento.
E contracto aki lo beneficia ECOTEC di tal manera cu 95% di e servionan di Serlimar lo pasa over pa ECOTEC, poniendo asina cu casi Serlimar no tin motibo di existencia mes. E trahadornan di Serlimar No ta confia mucho den e strategia di minster Marisol Lopez Tromp y e director di Anko Koopmans
Den e reunion di Serlimar cu a tuma luga awe e trahadornan a confia cu e mandatario lo a bin duna cara, pero awor e trahadornan ta sinti cu a yama e reunion pa saca informacion for di e trahadornan pero esaki no a logra. Trahadornan ta rabia y mayan e intencion ta cu nan lo pone trabao plat.
