Presidente di sindicato AFBW Cherel Kwidama ta elabora den loke e trahadonan di SELIBON ta pasando, te na e momentonan aki e trahadonan no a bay traha y nan ta den protesta ketobay, e situacion ta birando alarmante, for di dialuna a canta un welga y tur e trahadonan a keda na cas sindical pa asina mustra nan malcontento cu gerencia di BHM.
Sinembargo diamars durante dia abogado di SELIBON a manda trahadonan corte mirando cu full e operacion ta para, awe diaranson a drenta e di tres dia di e welga awe mainta e dos biaha 24 ora cu sindicato a duna a vence, y dibiaha a manda un carta pa BHM unda cu ta pidi un reunion cu caracter di urgencia y e reunion a tuma luga pa 11 or di mainta.
Segun presidente di AFBW Cherel Kwidama a sinta cu diferente partido na mesa y pa 2 or di atardi tambe tabatin diferente reunion y hasta gezaghebber a yama haci un peticion y manera un sindicato responsabel a papia cu tur e trahadonan di SILIBON cu kier traha pero pa motibo cu no por wanta mas e dos dirigentenan cu ta den SELIBON cu ta hiba un maneho cu ningun di e trahadonan no por mas cu ne a dicidi conhuntamente sali afo.
Gezaghebber a haci dos peticion na e trahadonan di SELIBON y nan a cumpli cu esaki unda cu mas cu 5 trahado den buena fe a bay atende cu e sushinan medico di BONLAP y Maria Daal y tambe a haci peticion pa bay saca e azeta sushi unda cu e planta di coriente di henter Boneiro ta situa. E dos peticionnan aki Gezaghebber a pidi y a cumpli cu ne tambe. Tur e trahadonan kier traha nan kier haci e trabao, e trabao riba su mes no ta e problema, pero e maneho y e trato cu e trahadonan ta ricibi no ta na su luga.
Mirando e situacion cu tin actualmente mediador di BES Eilanden Anselmo Pontilius ta rumbo pa Boneiro pa sinta cu ambos partido cu te na e momentonan aki lo tin un caso den corte mañan mainta 6 di April 2023 riba e situacion cu ta andando. Sinembargo Mediador di BES Eilanden a Sali di Aruba pa bay Boneiro y lo sinta na mesa cu ambos partido pa yega na un solucion prome cu bay corte, si e ta logra esaki despues di e reunionnan lo mester haya sa esaki.
